ДЗЯРЖОРГАНЫДЗЯРЖОРГАНЫ
Нядзеля, 11 красавіка 2021
Мінск Малавоблачна +10°C
Усе навіны
Усе навіны
Грамадства
05 ліпеня 2016, 16:32

"Паланэз" паступіць на ўзбраенне беларускай арміі ў ліпені

5 ліпеня, Мінск /Кар. БЕЛТА/. Рэактыўная сістэма залпавага агню (РСЗА) "Паланэз" у ліпені паступіць на ўзбраенне беларускай арміі. Аб гэтым паведаміў сёння журналістам начальнік ракетных войскаў і артылерыі Узброеных Сіл - начальнік упраўлення ракетных войскаў і артылерыі Генеральнага штаба Генадзь Казлоўскі, перадае карэспандэнт БЕЛТА.

Паводле слоў Генадзя Казлоўскага, цяпер ідзе працэс перадачы рэактыўнай сістэмы Узброеным Сілам, "Паланэз" дапрацоўваецца з улікам патрабаванняў і пажаданняў заказчыка. "17 ліпеня Узброеныя Сілы прымаюць на ўзбраенне гэты комплекс", - сказаў ён.

Начальнік ракетных войскаў і артылерыі адзначыў, што распрацоўшчыкі прадоўжаць работу над далёкасцю і дакладнасцю стральбы з РСЗА "Паланэз".

Рэактыўная сістэма залпавага агню "Паланэз" прызначана для паражэння адкрыта размешчанай і ўкрытай жывой сілы, небраніраванай і браніраванай ваеннай і ваенна-спецыяльнай тэхнікі, артылерыі, ракетных і зенітных ракетных комплексаў, авіяцыйнай тэхнікі на аэрадромах базіравання і іншых аб'ектаў на далёкасці ад 50 км да 200 км з высокай дакладнасцю.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі