Поўная версія

Падазроныя па справе аб узрывах феерверкаў у Мінску ўзяты пад варту

Грамадства 11.07.2019 | 16:28
Фота з архіва
Фота з архіва

11 ліпеня, Мінск /Кар. БЕЛТА/. Падазроныя па справе аб узрывах феерверкаў у Мінску ўзяты пад варту. Аб гэтым паведаміў сёння журналістам старшыня Следчага камітэта Іван Наскевіч, перадае карэспандэнт БЕЛТА.

"Пакуль абвінавачанне не прад'яўлена. У нас на гэта ёсць 10 дзён, у гэты тэрмін яно будзе прад'яўлена. Мера стрымання выбрана ў выглядзе ўзяцця пад варту", - сказаў Іван Наскевіч.

Падазроныя даюць паказанні, супрацоўнічаюць са следствам. "У многім іх паказанні пральюць святло на рэальную карціну здарэння", - падкрэсліў кіраўнік СК.

Іван Наскевіч нагадаў, што следчыя прапрацоўваюць чатыры версіі. "Самая відавочная, і яна ўжо знаходзіць пацвярджэнне, - аб тым, што піратэхнічныя зарады былі, хутчэй за ўсё, неналежнай якасці", - адзначыў старшыня СК.

"Цяпер пытанне другое - яны з самага пачатку былі неналежнай якасці або такімі сталі. Цяпер гэта самы актуальны прадмет расследавання", - праінфармаваў ён.

Якіх-небудзь яшчэ затрыманняў па гэтай крымінальнай справе не было. "Калі будзе вызначана віна нейкіх яшчэ асоб, мы будзем прымаць меры працэсуальнага прымушэння, - дадаў Іван Наскевіч. - Карціна следства пакажа, што далей".

Як паведамлялася, у ходзе следства ўстаноўлена, што ў працэсе зараджання салютных установак прадстаўнікі прадпрыемства-пастаўшчыка дапусцілі парушэнне парадку работы з феерверачнымі вырабамі: яны ажыццяўлялі механічнае ўздзеянне на зарады піратэхнікі пры зараджанні марцір, не прадугледжанае правіламі абыходжання з імі.

Мужчыны (28 і 25 гадоў) прыбылі ў Беларусь спецыяльна для аказання тэхнічнай дапамогі пры падрыхтоўцы да святочнага салюту.

У іх дзеяннях, паводле інфармацыі Следчага камітэта, прысутнічаюць прыкметы злачынства, прадугледжанага ч.2 арт.299 КК (парушэнне правіл абыходжання з выбуховабяспечнымі рэчывамі, піратэхнічнымі вырабамі, што прывяло па неасцярожнасці да смерці чалавека).-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
Учора 19:34
Беларускія каманды адпраўляюцца на Армейскія міжнародныя гульні
Учора 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
Учора 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
Учора 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
Учора 15:02
У БДПУ на некаторыя спецыяльнасці конкурс дасягае 10 чалавек на месца
Учора 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
Учора 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
Учора 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
Учора 09:42
Поўная версія