Поўная версія

На першым энергаблоку БелАЭС завяршыліся выпрабаванні гермаабалонкі

Грамадства 05.11.2019 | 11:37
Фота з архіва
Фота з архіва

5 лістапада, Мінск /Кар. БЕЛТА/. На першым энергаблоку Беларускай АЭС завяршыліся выпрабаванні герметычнай абалонкі будынка рэактара (гермаабалонкі) на шчыльнасць і трываласць, паведамілі БЕЛТА ў кампаніі АБЭ, якая з'яўляецца генпраекціроўшчыкам і генпадрадчыкам будаўніцтва БелАЭС.

Выпрабаванні гермаабалонкі блока на гатоўнасць вытрымліваць залішні ціск праводзіліся ў час шырокамаштабных перадпускавых работ. На працягу васьмі сутак герметычнасць абалонкі правяралася спачатку стварэннем папярэдняга разраджэння пры дапамозе выцяжной сістэмы вентыляцыі, а потым і стварэннем залішняга ціску (4,6 кгс/кв.см) пры дапамозе звышмагутнага кампрэсара. На працягу ўсяго працэсу праводзіўся маніторынг напружана-дэфармаванага стану ахоўнай абалонкі.

Сістэма герметычнай абалонкі - лакалізуючая сістэма бяспекі, якая складаецца з унутранай і вонкавай ахоўных абалонак. Пры эксплуатацыі падвойная ахоўная абалонка выключае выхад радыеактыўнасці ў навакольнае асяроддзе і служыць фізічнай аховай рэактарнага аддзялення ад знешніх уздзеянняў. Выпрабаванні паказалі, што сістэма герметычнай абалонкі рэактара першага энергаблока гатова да эксплуатацыі.

Паводле слоў віцэ-прэзідэнта, дырэктара праекта па ўзвядзенні Беларускай АЭС АТ ІК "АБЭ" Віталя Паляніна, узвядзенне першага энергаблока БелАЭС выходзіць на фінішную прамую. У бліжэйшыя дні пачнецца гарачая абкатка, а пасля яе заканчэння згодна з планам падрыхтоўкі энергаблока да фізічнага пуску - рэвізія асноўнага і дапаможнага абсталявання першага і другога контураў энергаблока.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце паблізу Астраўца (Гродзенская вобласць). Генеральны падрадчык будаўніцтва БелАЭС - інжынірынгавы дывізіён дзяржкарпарацыі "Расатам" (АБЭ).-0-

Навіны рубрыкі Грамадства
Фота з архіва ЦВК: яўка выбаршчыкаў на датэрміновым галасаванні ў гэтым годзе вышэйшая, чым на парламенцкіх выбарах-2016
Учора 19:29
Беларусь займае 2-е месца сярод краін СНД па колькасці студэнтаў
Учора 18:45
Беларусь і Кітай да 2021 года плануюць рэалізаваць 35 сумесных навукова-тэхнічных праектаў
Учора 16:26
Міхаіл Русы ў час прыёму грамадзян Русы: на месцах з грамадзянамі трэба працаваць асабіста, а не перадаваць дакументы з кабінета ў кабінет
Учора 15:47
ФПБ з 15 лістапада будзе маніторыць выкананне тэмпературнага рэжыму на прадпрыемствах
Учора 14:41
Беларусь ініцыюе змяненне дагавора з Расіяй аб узаемных намаганнях у ахове граніцы
Учора 14:30
Фота з архіва Цёплае і пераважна без ападкаў надвор'е захаваецца ў Беларусі да пачатку наступнага тыдня
Учора 12:10
Зась: набыццё знішчальнікаў Су-30СМ паклала пачатак паэтапнаму пераўзбраенню ВПС Беларусі
Учора 10:10
Кіраўнікі дзяржорганаў у лістападзе правядуць выязныя прыёмы грамадзян
13 Лістапад, 19:55
Поўная версія