Поўная версія

Мінспорту прапануе абмеркаваць праект закона аб турызме

Грамадства 12.07.2019 | 12:57
Фота з архіва
Фота з архіва

12 ліпеня, Мінск /Кар. БЕЛТА/. У Беларусі вынесены на грамадскае абмеркаванне праект закона "Аб турызме", паведамляе БЕЛТА са спасылкай на прававы форум.

Дакумент накіраваны на ўдасканаленне механізмаў вядзення турыстычнай дзейнасці на тэрыторыі Беларусі, а таксама прававой абароны правоў і законных інтарэсаў спажыўцоў турыстычных паслуг з улікам практыкі прымянення дзеючага заканадаўства.

Галоўнае новаўвядзенне - у Беларусі можа з'явіцца такі механізм абароны правоў турыстаў, як фінансавыя гарантыі. Тураператару далі магчымасць самому выбраць адзін з трох варыянтаў: банкаўскую гарантыю, страхаванне грамадзянскай адказнасці або ўдзел у фінансаванні калектыўнага фонду. Размежавана адказнасць тураператара і турагента, пашыраны функцыі туррэестра, стала больш строгай фармулёўка, якая датычыцца забароны праводзіць экскурсіі на тэрыторыі Беларусі без нацыянальнай атэстацыі.

Акрамя таго, у праекце закона знайшлі адлюстраванне пытанні, звязаныя з заключэннем дагавораў у пісьмовай і электроннай форме, удакладнены некаторыя азначэнні, замацаваны новыя тэрміны (у іх ліку "турагент", "тураператар", "паслугі, звязаныя з арганізацыяй турыстычнага падарожжа" і "фактычна панесеныя расходы").

Вызначаны асноўныя прынцыпы, мэты і прыярытэтныя напрамкі дзяржаўнага рэгулявання сферы турызму, абазначаны адказныя службовыя асобы і органы. Мінспорту прапануецца надзяліць паўнамоцтвамі на зацвярджэнне класіфікацыі відаў турызму. Таксама прапісана магчымасць заключэння дагавора аказання турпаслуг у выглядзе смарт-кантракта.

Праект выключае нарматыўнае прававое рэгуляванне адносна Дзяржаўнага кадастру турыстычных рэсурсаў і пытанні знешняга гандлю турыстычных паслуг, прадугледжвае карэкціроўку падыходаў да дзяржаўных праграм у сферы турызму, дзейнасці турысцка-інфармацыйных цэнтраў.

Арганізатар грамадскага абмеркавання - Міністэрства спорту і турызму. Свае заўвагі і прапановы можна выказаць у спецыяльнай тэме на прававым форуме з 12 па 28 ліпеня.-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
19 Ліпень, 19:34
Беларускія каманды адпраўляюцца на Армейскія міжнародныя гульні
19 Ліпень, 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
19 Ліпень, 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
19 Ліпень, 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
19 Ліпень, 15:02
У БДПУ на некаторыя спецыяльнасці конкурс дасягае 10 чалавек на месца
19 Ліпень, 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
19 Ліпень, 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
19 Ліпень, 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
19 Ліпень, 09:42
Поўная версія