Поўная версія

Мінпрацы растлумачыла парадак пацвярджэння занятасці і вучобы за мяжой

Грамадства 06.11.2018 | 12:58
Фота з архіва
Фота з архіва

6 лістапада, Мінск /Кар. БЕЛТА/. У адпаведнасці з дэкрэтам "Аб садзейнічанні занятасці" грамадзяне Беларусі, якія працуюць або атрымліваюць адукацыю ў дзённай форме за мяжой, пры прад'яўленні пацвярджальных дакументаў не ўключаюцца ў спіс працаздольных грамадзян, якія не заняты ў эканоміцы і аплачваюць паслугі з пакрыццём затрат. Якія пацвярджальныя дакументы для гэтага неабходны, БЕЛТА растлумачылі ў Міністэрстве працы і сацыяльнай абароны.

"Названым катэгорыям грамадзян неабходна прадставіць у пастаянна дзеючую камісію па каардынацыі работы па садзейнічанні занятасці насельніцтва па месцы рэгістрацыі дакументы, што пацвярджаюць ажыццяўленне працоўнай дзейнасці або навучанне ў дзённай форме. Для працуючых за мяжой такімі дакументамі могуць быць копія працоўнага дагавора (кантракта); копія пасведчання, дазволу, ліцэнзіі на ажыццяўленне адвакацкай, натарыяльнай дзейнасці; копіі іншых дакументаў, што пацвярджаюць факт працоўнай дзейнасці. Навучэнцы могуць прадставіць даведку з установы адукацыі; копіі дагавора на аказанне адукацыйных паслуг або іншых дакументаў, што пацвярджаюць факт навучання", - адзначылі ў Мінпрацы і сацабароны.

Дакументы павінны быць прадстаўлены з афіцыйным перакладам на рускую або беларускую мову - г.зн. ён павінен быць завераны арганізацыяй, надзеленай правам пацвярджэння правільнасці перакладу дакумента ў адпаведнасці з заканадаўствам краіны (натарыяльна; апастылем; іншай існуючай формай заверкі афіцыйнага перакладу дакументаў).

Прадставіць дакументы ў камісію магчыма ў фарматах pdf, jpg, jpeg, png пры дапамозе электроннай пошты (у гэтым выпадку памер файла не павінен перавышаць 5 Мб), звычайна паштовай сувязі або праз асабісты зварот. Усе адрасы і кантакты пазначаны на афіцыйных сайтах раённых, гарадскіх выканаўчых камітэтаў, адміністрацый раёнаў у гарадах.

"Першыя спісы працаздольных грамадзян, не занятых у эканоміцы, будуць сфарміраваны да 1 лютага 2019 года. І мы просім прадстаўляць у камісіі пацвярджаючыя занятасць дакументы да 21 студзеня 2019 года. Затым спісы будуць фарміравацца штоквартальна, таму ў далейшым накіроўваць дакументы рэкамендуюцца да 21 красавіка; да 21 ліпеня; да 21 кастрычніка; да 21 студзеня", - дадалі ў міністэрстве.

Прадставіўшы дакументы, чалавеку не трэба кожны квартал пацвярджаць сваю работу або вучобу за мяжой. Перыяд, на працягу якога грамадзянін прызнаецца занятым у эканоміцы, вызначаецца камісіяй на падставе прадстаўленых дакументаў.

Пытанні па рэалізацыі дэкрэта (растлумачэнні, прадстаўленне дакументаў, што пацвярджаюць занятасць, вызначэнне цяжкай жыццёвай сітуацыі і інш.) можна адрасаваць у пастаянна дзеючыя камісіі па каардынацыі работы па садзейнічанні занятасці насельніцтва па месцы рэгістрацыі.-0-

Навіны рубрыкі Грамадства
Зубры ў Белавежскай пушчы. Фота з архіва Белавежская пушча ўвайшла ў топ мясцін для падарожжаў у 2020 годзе ад National Geographic
Учора 19:55
Каштоўнасць жыцця павінна быць прыярытэтам і наймальнікаў, і работнікаў - дзяржінспекцыя працы
Учора 17:56
КДК арганізаваў гарачыя лініі па пытаннях бяспечнага знаходжання дзяцей у школах
Учора 15:01
Фота з архіва Прэс-канферэнцыя аб заканадаўстве ў сферы будаўнічай дзейнасці пройдзе ў БЕЛТА 21 лістапада
Учора 13:35
Нацкамісія па правах дзіцяці будзе практыкаваць выезды на месцы для вырашэння праблемных пытанняў
Учора 13:20
Моцны вецер і мінусавая тэмпература чакаюцца ў Беларусі ў бліжэйшыя дні
Учора 13:12
СК Беларусі і American Express будуць абменьвацца данымі аб кіберзлачынствах
Учора 12:49
Імёны амаль 620 чалавек знаходзяцца ў банку даных таленавітай моладзі Беларусі
Учора 10:01
Марзалюк аб сюжэце "Еўраньюс": няправільна выкарыстоўваць эпатажныя, беспадстаўныя заявы
19 Лістапад, 16:59
Поўная версія