Поўная версія

Міністэрства аховы здароўя вызначыла, якія харчовыя дабаўкі дапускаюцца пры вытворчасці арганічнай прадукцыі

Грамадства 12.07.2019 | 11:21
Фота з архіва
Фота з архіва

12 ліпеня, Мінск /Кар. БЕЛТА/. Міністэрства аховы здароўя вызначыла, якія харчовыя дабаўкі, араматызатары і тэхналагічныя дапаможныя сродкі дапускаюцца для прымянення ў вытворчасці арганічнай прадукцыі. Гэта прадугледжана пастановай Міністэрства аховы здароўя нумар 63 ад 21 чэрвеня 2019 года, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.

У лік дапушчальных харчовых дабавак увайшлі карбанат кальцыю (пры гэтым ён не павінен выкарыстоўвацца ў якасці фарбавальніка), дыяксід серы (для фруктовых він, у тым ліку він з пладова-ягаднай сыравіны, і сідраў без дабаўлення цукру, мядовых напіткаў), аскарбінавая кіслата (для мясных прадуктаў), лецыціны, атрыманыя без выкарыстання адбельваючых сродкаў і арганічных растваральнікаў (для малочных прадуктаў, за выключэннем прадуктаў з малочнага тлушчу, прадуктаў прыкорму для прадуктаў харчавання дзяцей ранняга ўзросту). Малочная кіслата (L-, D- і DL-), дыяксід вугляроду, яблычная кіслата (DL-), альфа-такаферол, лактат кальцыю, лімонная кіслата, цытрат натрыю 1-замешчаны, цытрат калію 2-замешчаны, цытраты кальцыю, вінная кіслата (L(+)-) і іншыя харчовыя дабаўкі павінны прымяняцца ў адпаведнасці з тэхрэгламентам Мытнага саюза "Патрабаванні бяспекі харчовых дабавак, араматызатараў і тэхналагічных дапаможных сродкаў". Акрамя таго, дапускаецца прымяненне хларыду магнію для соевых прадуктаў, гідраксіду натрыю для злакавых, пекцінаў і карагінану для малочных прадуктаў і інш.

Пералік дапушчальных тэхналагічных дапаможных сродкаў уключае ваду, хларыд кальцыю, малочную, лімонную і серную кіслату, вуглякіслы газ, азот, этанол, альбуміны з яечнага бялку, казеін, жэлацін, рыбін клей, раслінныя алеі, актываваны вугаль, тальк, бентаніт, каалін, шкарлупіну ляснога арэха, пчаліны воск, прэпараты на аснове драўнянай кары і інш. Для кожнага сродку ўстаноўлена сфера прымянення.

Пры вытворчасці арганічнай прадукцыі таксама дапускаецца выкарыстанне араматызатараў, якія маюць у саставе натуральныя смакаводарныя прэпараты і натуральныя смакаводарныя рэчывы.

Пастанова ўступае ў сілу з 18 лістапада 2019 года, адначасова з законам аб вытворчасці і абароце арганічнай прадукцыі. Гэты закон быў прыняты ў Беларусі ў канцы 2018 года. Развіццё такой вытворчасці будзе садзейнічаць забеспячэнню харчовай бяспекі краіны, адкрые новыя экспартныя магчымасці. Законам уводзіцца добраахвотная сертыфікацыя арганічнай прадукцыі і працэсаў яе вытворчасці на адпаведнасць дзяржстандартам Беларусі і тэхнічным кодэксам існуючай практыкі. Сертыфікаваныя вытворцы атрымаюць права наносіць знак "арганічны прадукт" на спажывецкую або транспартную ўпакоўку.

Пад арганічнай прадукцыяй маюцца на ўвазе прадукты расліннага, жывёльнага і мікрабіялагічнага паходжання, прызначаныя для ўжывання чалавекам у ежу або выкарыстання ў якасці корму для жывёл, харчовая сыравіна для вытворчасці прадуктаў харчавання, насенне, атрыманае ў выніку вытворчасці арганічнай прадукцыі.-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
19 Ліпень, 19:34
Беларускія каманды адпраўляюцца на Армейскія міжнародныя гульні
19 Ліпень, 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
19 Ліпень, 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
19 Ліпень, 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
19 Ліпень, 15:02
У БДПУ на некаторыя спецыяльнасці конкурс дасягае 10 чалавек на месца
19 Ліпень, 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
19 Ліпень, 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
19 Ліпень, 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
19 Ліпень, 09:42
Поўная версія