ДЗЯРЖОРГАНЫДЗЯРЖОРГАНЫ
Флаг Нядзеля, 27 лістапада 2022
Мінск -2°C
Усе навіны
Усе навіны
Грамадства
05 кастрычніка 2022, 15:27

Міністэрства аховы здароўя растлумачыла, чаму медустановы не поўнасцю ўкамплектаваны кадрамі

Фота з архіва
Фота з архіва

5 кастрычніка, Мінск /Кар. БЕЛТА/. Замацавальнасць урачоў-спецыялістаў на першым рабочым месцы пасля таго, як яны закончаць працаваць па размеркаванні, за 2016-2021 гады вырасла з 69,5 працэнта да 83,4 працэнта. Разам з тым, нягледзячы на меры, што прымаюцца, ёсць аб'ектыўныя прычыны, якія не даюць магчымасці задаволіць патрэбнасць практычнай аховы здароўя ў медыцынскіх кадрах. Такая інфармацыя размешчана на сайце Міністэрства аховы здароўя, паведамяе БЕЛТА.

У Міністэрстве аховы здароўя растлумачылі, што патрэбнасць ва ўрачэбных кадрах звязана з актыўным развіццём і ўкараненнем высокатэхналагічнай медыцынскай дапамогі ў рэгіёнах (ангіяхірургічная, нейрахірургічная, кардыяхірургічная, рэнтгенаэндаваскулярная, транспланталогія і інш), адкрыццём новых аб'ектаў аховы здароўя, стварэннем міжраённых (міжрэгіянальных) цэнтраў спецыялізаванай меддапамогі.

У прыватнасці, за апошнія пяць гадоў колькасць ангіёграфаў павялічылася з 35 да 46, МРТ - з 42 да 70, КТ - з 86 да 132. У 2021 годзе адкрыты маштабны хірургічны корпус Мінскага НПЦ хірургіі, транспланталогіі і гематалогіі, кардыяхірургічны корпус Магілёўскай абласной бальніцы, рэанімацыйны корпус РНПЦ "Маці і дзіця". Будуць адкрыты новыя аб'екты аховы здароўя, якія патрабуюць укамплектавання медыцынскімі кадрамі.

Разам з тым патрэбнасць ва ўрачэбных кадрах, якія аказваюць высокатэхналагічную медыцынскую дапамогу, можа быць задаволена толькі пасля неабходнай постдыпломнай падрыхтоўкі.

У Міністэрстве аховы здароўя адзначылі, што застаюцца "вакантнымі" няпоўныя (0,5, 0,25) штатныя пасады медыцынскіх работнікаў арганізацый аховы здароўя. Увядзенне іх патрабуецца па колькасці насельніцтва, якое абслугоўваецца, і аб'ёмах медыцынскай дапамогі, якая аказваецца, службовых асоб, якія знаходзяцца ў водпуску па доглядзе дзіцяці да дасягнення ім узросту 3 гадоў. Яны ўкамплектаваны шляхам унутранага або знешняга сумяшчальніцтва, але ў адпаведнасці з заканадаўствам гэтыя няпоўныя пасады павінны быць адлюстраваны ў Банку вакансій як вакантныя.

На асаблівым кантролі застаюцца пытанні забеспячэння жыллём. У 2021 годзе медработнікам выдзелена 661 арэндная кватэра (у 2020 годзе - 208), 1071 асобны пакой у інтэрнатах (188) і 171 ложка-месца (614).-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі