Поўная версія

Маштаб MILEX 2019 перасягнуў усе папярэднія выстаўкі - Галоўчанка

Грамадства 20.05.2019 | 09:12

20 мая, Мінск /Кар. БЕЛТА/. Маштаб MILEX 2019 перасягнуў усе папярэднія выстаўкі. Аб гэтым у інтэрв'ю тэлеканалу АНТ заявіў старшыня Дзяржкамваенпрама Раман Галоўчанка, паведамляе карэспандэнт БЕЛТА.

"Маштаб сёлетняй выстаўкі шматразова перасягнуў усе папярэднія выстаўкі. У першую чаргу з пункту гледжання колькасці ўзораў новай тэхнікі, узбраення, якія прадстаўлены беларускай абароннай прамысловасцю, - сказаў Раман Галоўчанка. - Калі параўнаць па колькасці ўзораў выстаўку, якая была два гады таму, і цяперашнюю, яны адрозніваюцца кардынальна. Гэта з'яўляецца доказам якаснага скачка".

Паводле слоў старшыні Дзяржкамваенпрама, многія госці выстаўкі не чакалі, што змогуць убачыць настолькі маштабнае відовішча. Найбольшую цікавасць у наведвальнікаў выклікала экспазіцыя стралковага ўзбраення.

Адным з галоўных сюрпрызаў выстаўкі была дэманстрацыя новых узораў беларускага ракетнага ўзбраення. Размова ідзе, у прыватнасці, аб створаным у сістэме Дзяржкамваенпрама ЗРК "Бук". "Са з'яўленнем гэтага вырабу, новых малавышынных радыёлакацыйных станцый фактычна можна гаварыць аб стварэнні завершанай нацыянальнай сістэмы ППА Беларусі ўласнай вытворчасці", - адзначыў Раман Галоўчанка.

Таксама на выстаўцы ўпершыню быў прадстаўлены шэраг машын, у тым ліку дыстанцыйна-кіруемых баявых модуляў. Свае распрацоўкі прадставілі таксама прадпрыемствы, якія вырабляюць прадукты, тэхналогіі па абароне інфармацыі, кібербяспекі.-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
Учора 19:34
Беларускія каманды адпраўляюцца на Армейскія міжнародныя гульні
Учора 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
Учора 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
Учора 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
Учора 15:02
У БДПУ на некаторыя спецыяльнасці конкурс дасягае 10 чалавек на месца
Учора 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
Учора 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
Учора 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
Учора 09:42
Поўная версія