Поўная версія

Кошт шэнгенскіх віз для грамадзян Беларусі можа вырасці з 60 да 80 еўра з 2 лютага 2020 года

Грамадства 12.07.2019 | 15:19
Фота з архіва
Фота з архіва

12 ліпеня, Мінск /Уладзімір Мацвееў - БЕЛТА/. Кошт шэнгенскіх віз для грамадзян Беларусі можа вырасці з 60 да 80 еўра з 2 лютага 2020 года. Адпаведная інфармацыя апублікавана ў афіцыйным часопісе ЕС. Яе таксама пацвердзілі БЕЛТА ў прадстаўніцтве ЕС у Беларусі.

Акрамя таго, кошт віз для дзяцей ва ўзросце ад шасці да 12 гадоў стане 40 еўра, цяпер гэты збор складае 35 еўра.

Разам з тым змяненні ў візавых правілах маюць шэраг плюсоў для падарожнікаў, асабліва тых, хто часта наведвае краіны, што ўваходзяць у Шэнгенскае пагадненне. У іх ліку з'явіцца магчымасць падаваць заяўку на атрыманне візы за паўгода да даты запланаванай паездкі замест цяперашніх трох месяцаў.

Акрамя таго, з'яўляюцца выразныя крытэрыі для атрымання шматразовых віз максімальнай працягласцю да 5 гадоў. Скарыстацца такой магчымасцю змогуць тыя, хто неаднаразова атрымліваў візы на меншы тэрмін і законна іх выкарыстаў.

Аднак грамадзян Беларусі змяненні ў частцы кошту віз могуць і не закрануць, паколькі апошнія гады бакамі вялася работа над пагадненнямі з ЕС па спрашчэнні візавага рэжыму і рэадмісіі. "Работа над гэтымі пагадненнямі практычна завершана. Проста для таго, каб падысці да фінальнай стадыі падпісання, павінна быць пройдзена адпаведная працэдура і ўнутры Еўрапейскага саюза, і ў нас ўнутры краіны. Павінны быць прааналізаваны і ўзважаны ўсе моманты, якія, магчыма, насцярожваюць бакі. Я ўпэўнены, што мы зможам завяршыць гэту работу ў бліжэйшы час", - заяўляў міністр замежных спраў Беларусі Уладзімір Макей 14 мая ў Бруселі на палях канферэнцыі высокага ўзроўню з нагоды дзесяцігоддзя ініцыятывы ЕС "Усходняе партнёрства".

У выпадку падпісання адпаведных дакументаў і іх уступлення ў сілу да 2 лютага 2020 года кошт шэнгенскіх віз для грамадзян Беларусі знізіцца з цяперашніх 60 да 35 еўра. Прадугледжаны і шэраг іншых паслабленняў.

Адказваючы на ​​пытанне, ці паспеюць бакі заключыць пагадненні да моманту падаражання шэнгенскай візы, Уладзімір Макей падкрэсліў, што ўсе бакі спакойна рухаюцца ў гэтым напрамку. "Мы абавязкова паспеем", - запэўніваў у маі кіраўнік МЗС Беларусі.-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
19 Ліпень, 19:34
Беларускія каманды адпраўляюцца на Армейскія міжнародныя гульні
19 Ліпень, 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
19 Ліпень, 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
19 Ліпень, 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
19 Ліпень, 15:02
У БДПУ на некаторыя спецыяльнасці конкурс дасягае 10 чалавек на месца
19 Ліпень, 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
19 Ліпень, 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
19 Ліпень, 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
19 Ліпень, 09:42
Поўная версія