Поўная версія

Грамадзяне пасля службы ў арміі змогуць скарыстацца новымі прэферэнцыямі з пачатку 2020 года

Грамадства 03.10.2019 | 14:18
Фота з архіва
Фота з архіва

3 кастрычніка, Мінск /Кар. БЕЛТА/. З пачатку 2020 года грамадзяне пасля службы ў арміі змогуць скарыстацца новымі прэферэнцыямі. Такая інфармацыя размешчана на сайце Мінабароны, паведамляе БЕЛТА.

З 28 студзеня 2020 года ўступаюць у сілу ініцыіраваныя Мінабароны змяненні ў Працоўным кодэксе. "Згодна з новай рэдакцыяй, пасля службы ў арміі за грамадзянінам на працягу трох месяцаў захоўваецца рабочае месца або прадастаўляецца раўнацэнная пасада - незалежна ад формы ўласнасці наймальніка. Раней гэта датычылася толькі дзяржустаноў", - праінфармавалі ў Мінабароны.

Таксама ў ведамстве адзначылі, што з 1 студзеня 2020 года ўступяць у сілу змяненні ў Жыллёвы кодэкс, якія замацоўваюць за грамадзянамі, якія адслужылі ў арміі, першачарговае права на інтэрнат. Гэта закране студэнтаў. Для першачарговага атрымання інтэрната ім спатрэбіцца рэкамендацыя на навучанне з воінскай часці.

Мінабароны ініцыіравала ўвядзенне шэрага сацыяльных гарантый для ваеннаслужачых, якія прайшлі тэрміновую службу. Большасць з іх - у сферы адукацыі.-0-

Навіны рубрыкі Грамадства
Поўная версія