Поўная версія

ДМК: абмежаванні па бяспошлінным увозе тавараў да 500 еўра не закрануць звычайных турыстаў

Грамадства 12.11.2018 | 15:41
Юрый Сянько. Фота з архіва
Юрый Сянько. Фота з архіва

12 лістапада, Мінск /Кар. БЕЛТА/. Абмежаванні па бяспошлінным увозе тавараў да 500 еўра не закрануць звычайных турыстаў, паведаміў сёння журналістам старшыня Дзяржаўнага мытнага камітэта Беларусі Юрый Сянько, перадае карэспандэнт БЕЛТА.

Старшыня ДМК звярнуў увагу, што беларусы з ліку звычайных турыстаў пры бяспошлінным увозе не дасягаюць мяжы ўстаноўленых лімітаў. Паводле яго слоў, жыхары прыгранічча таксама ўвозяць тавары ў далёкіх ад максімальных межаў аб'ёмах і кошце. Абмежаванні накіраваны на тых, хто закупляе тавары за мяжой у камерцыйных мэтах.

"Людзі, якія для асабістага карыстання ўвозяць невялікую колькасць рэчаў, - тут ніякіх пытанняў не было і не будзе", - падкрэсліў Юрый Сянько.

Як паведамлялася, грамадзяне краін Еўразійскага эканамічнага саюза з 1 студзеня 2019 года змогуць бяспошлінна ўвозіць на адзіную мытную тэрыторыю ЕАЭС тавары для асабістага карыстання на суму не большую за 500 еўра, вага якіх не перавышае 25 кг.

Раней такія ліміты планавалася ўвесці паступова да 1 студзеня 2021 года. Цяпер норма бяспошліннага ўвозу складае 1500 еўра і 50 кг. У адпаведнасці з Мытным кодэксам ЕАЭС, краіны - удзельніцы саюза маюць права толькі рабіць больш строгімі нормы бяспошліннага ўвозу на нацыянальным узроўні.

Гэта рашэнне Савета ЕЭК уступае ў сілу праз 10 каляндарных дзён з даты яго афіцыйнага апублікавання. У ЕАЭС уваходзяць Беларусь, Расія, Казахстан, Арменія і Кыргызстан.-0-

Навіны рубрыкі Грамадства
Фота з архіва ЦВК: яўка выбаршчыкаў на датэрміновым галасаванні ў гэтым годзе вышэйшая, чым на парламенцкіх выбарах-2016
Учора 19:29
Беларусь займае 2-е месца сярод краін СНД па колькасці студэнтаў
Учора 18:45
Беларусь і Кітай да 2021 года плануюць рэалізаваць 35 сумесных навукова-тэхнічных праектаў
Учора 16:26
Міхаіл Русы ў час прыёму грамадзян Русы: на месцах з грамадзянамі трэба працаваць асабіста, а не перадаваць дакументы з кабінета ў кабінет
Учора 15:47
ФПБ з 15 лістапада будзе маніторыць выкананне тэмпературнага рэжыму на прадпрыемствах
Учора 14:41
Беларусь ініцыюе змяненне дагавора з Расіяй аб узаемных намаганнях у ахове граніцы
Учора 14:30
Фота з архіва Цёплае і пераважна без ападкаў надвор'е захаваецца ў Беларусі да пачатку наступнага тыдня
Учора 12:10
Зась: набыццё знішчальнікаў Су-30СМ паклала пачатак паэтапнаму пераўзбраенню ВПС Беларусі
Учора 10:10
Кіраўнікі дзяржорганаў у лістападзе правядуць выязныя прыёмы грамадзян
13 Лістапад, 19:55
Поўная версія