Поўная версія

Даўгабуды і валакіта ў рабоце з інвестарамі - Качанава назвала праблемныя пытанні Мінска

Грамадства 20.12.2018 | 18:11
Фота з архіва
Фота з архіва

20 снежня, Мінск /Кар. БЕЛТА/. Выкананне некаторых патрабаванняў і даручэнняў кіраўніка дзяржавы ўладам Мінска выклікае пытанні ў частцы выканальніцкай дысцыпліны. Аб гэтым заявіла сёння кіраўнік Адміністрацыі Прэзідэнта Беларусі Наталля Качанава на нарадзе з актывам сталіцы, перадае карэспандэнт БЕЛТА.

Усяго з 2015 года на кантролі ў Адміністрацыі Прэзідэнта знаходзілася 656 даручэнняў кіраўніка дзяржавы, дадзеных Мінгарвыканкаму. "Выканана 471 даручэнне, у тым ліку 30 - з парушэннем тэрмінаў, не выканана 64, або 9,8 працэнта, - адзначыла Наталля Качанава. - Мінгарвыканкам у гэтым сэнсе выглядае крыху лепш, чым некаторыя іншыя органы. У той жа час не ў поўнай меры выкананы патрабаванні Прэзідэнта па вырашэнні такіх вострых пытанняў, як перавышэнне тэрміну будаўніцтва жылых дамоў (а іх у горадзе 10), рэалізацыя некаторых інвестпраектаў, навядзенне парадку ў пытаннях азелянення, кветкавага афармлення сталіцы. Часам патрабуюцца неаднаразовыя напаміны па выкананні даручэнняў".

У рабоце з інвестарамі, падкрэсліла Наталля Качанава, дзеянні гарадскіх улад часам выглядаюць так, нібыта яны не зацікаўлены ў развіцці бізнесу. Яна нагадала аб выпадках, калі пабудаваныя аб'екты некалькі гадоў не ўводзіліся ў эксплуатацыю з-за адсутнасці элементарнай узгодненасці ў дзеяннях асобных службаў і ведамстваў горада.

"Відавочна, што эфектыўнасць работы людзей у любой арганізацыі залежыць ад кадравага патэнцыялу. Стан кадравай работы Мінгарвыканкама мае патрэбу ў сур'ёзнай карэкціроўцы. Сведчанне таму - самы нізкі рэйтынг сталічных улад сярод рэгіёнаў у сістэме дзяржаўнага кіравання краіны, - дадала Наталля Качанава. - Трэба актыўней праводзіць ратацыю кадраў, удзяляючы самую сур'ёзную ўвагу падбору і расстаноўцы, улічваючы дзелавыя якасці, кампетэнтнасць і прафесіяналізм. Больш дзейсна працаваць са спецыяльнай групай рэзерву, запрашаць правераныя кадры з іншых рэгіёнаў краіны, эфектыўней практыкаваць атэстацыю кіруючых работнікаў". Сур'ёзны ўдар па рэпутацыі ўлады наносяць факты карупцыі сярод службовых асоб.

"Для эфектыўнай работы ў горада ёсць усё - і паўнамоцтвы, і магчымасці, і рэсурсы. Неабходна ўзгодненасць дзеянняў усёй вертыкалі ўлады, аб'ектыўны і прафесійны падыход да даручанай справы", - сказала на заканчэнне Наталля Качанава.-0-

Навіны рубрыкі Грамадства
Узнагароды спецфонду Прэзідэнта па падтрымцы адораных навучэнцаў і студэнтаў уручылі ў БДУ
24 Травень, 17:55
Беларусь і Расія могуць стварыць дыскусійную пляцоўку па прыкладзе "Пецярбургскага дыялогу"
24 Травень, 17:43
Шоу з эфектамі дапоўненай рэальнасці ўбачаць гледачы на цырымоніі адкрыцця ІІ Еўрапейскіх гульняў
24 Травень, 15:21
Людміла Дабрыніна. Фота з архіва Законапраект аб плацежных сістэмах і паслугах плануецца ўнесці ў Палату прадстаўнікоў у 2019 годзе
24 Травень, 14:09
Больш за 100 удзельнікаў аб'яднала летняя школа журналістыкі на Беларускім міжнародным медыяфоруме
24 Травень, 12:36
У Беларусі рыхтуецца праграма будаўніцтва індывідуальнага жылля індустрыяльным спосабам
24 Травень, 12:13
Фота з архіва Міністэрства аховы здароўя мае намер спрасціць сістэму надбавак і даплат медыкам
24 Травень, 10:05
Эстафету агню ІІ Еўрапейскіх гульняў сустрэлі на БелАЭС
23 Травень, 19:55
Качанава па даручэнні Прэзідэнта сустрэлася ў Магілёве з прадстаўнікамі цыганскай дыяспары
23 Травень, 18:20
Поўная версія