Поўная версія

Да 26 градусаў цяпла і пераважна без ападкаў будзе ў Беларусі ў выхадныя

Грамадства 16.05.2019 | 17:16
Фота з архіва
Фота з архіва

16 мая, Мінск /Кар. БЕЛТА/. Да 26 градусаў цяпла і пераважна без ападкаў будзе ў Беларусі ў выхадныя, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

За першую палову месяца месцамі ўжо выпала месячная норма ападкаў. Але ў бліжэйшыя выхадныя дні атмасферны фронт, які абумовіў няўстойлівае з дажджамі надвор'е, перамесціцца на крайні паўднёвы захад краіны, а на астатняй тэрыторыі будзе адчувацца ўплыў скандынаўскага антыцыклону.

У пятніцу, 17 мая, яшчэ захаваецца няўстойлівае надвор'е, франтальны раздзел абумовіць пераважна на паўднёва-заходняй частцы рэспублікі кароткачасовыя дажджы, месцамі навальніцы і моцныя дажджы. Тэмпература паветра ўначы складзе ад плюс 6 па поўначы да 16 градусаў цяпла па поўдні краіны. Удзень будзе 16-22 вышэй за нуль, месцамі па Гомельскай вобласці паветра прагрэецца да плюс 25.

У выхадныя на большай частцы тэрыторыі краіны надвор'е будзе вызначаць вобласць павышанага атмасфернага ціску, таму будзе пераважна без ападкаў, толькі ў паўднёва-заходніх раёнах будзе адчувацца ўплыў маларухомага франтальнага раздзелу, там не абыдзецца без кароткачасовых дажджоў.

У суботу, 18 мая, пераважна без ападкаў, толькі месцамі па паўднёвым захадзе пройдуць кароткачасовыя навальнічныя дажджы. Тэмпература паветра ўначы - ад 6 па паўночным усходзе да 15 градусаў цяпла па паўднёвым захадзе краіны. Удзень прагназуецца 19-24 вышэй за нуль.

У нядзелю, 19 мая, пераважна без ападкаў, толькі месцамі па паўднёвым захадзе чакаюцца кароткачасовыя дажджы, навальніцы. Уначы будзе ад плюс 6 па паўночным усходзе да 16 градусаў цяпла па паўднёвым захадзе краіны, удзень - 21-26 градусаў цяпла.

У панядзелак, 20 мая, прагназуецца пераважна без ападкаў, на паўднёвым захадзе краіны кароткачасовыя дажджы, магчымы навальніцы. Уначы чакаецца 8-15 градусаў вышэй за нуль, удзень - плюс 20-26.-0-

Навіны рубрыкі Грамадства
Фота з архіва ЦВК: яўка выбаршчыкаў на датэрміновым галасаванні ў гэтым годзе вышэйшая, чым на парламенцкіх выбарах-2016
Учора 19:29
Беларусь займае 2-е месца сярод краін СНД па колькасці студэнтаў
Учора 18:45
Беларусь і Кітай да 2021 года плануюць рэалізаваць 35 сумесных навукова-тэхнічных праектаў
Учора 16:26
Міхаіл Русы ў час прыёму грамадзян Русы: на месцах з грамадзянамі трэба працаваць асабіста, а не перадаваць дакументы з кабінета ў кабінет
Учора 15:47
ФПБ з 15 лістапада будзе маніторыць выкананне тэмпературнага рэжыму на прадпрыемствах
Учора 14:41
Беларусь ініцыюе змяненне дагавора з Расіяй аб узаемных намаганнях у ахове граніцы
Учора 14:30
Фота з архіва Цёплае і пераважна без ападкаў надвор'е захаваецца ў Беларусі да пачатку наступнага тыдня
Учора 12:10
Зась: набыццё знішчальнікаў Су-30СМ паклала пачатак паэтапнаму пераўзбраенню ВПС Беларусі
Учора 10:10
Кіраўнікі дзяржорганаў у лістападзе правядуць выязныя прыёмы грамадзян
13 Лістапад, 19:55
Поўная версія