ДЗЯРЖОРГАНЫДЗЯРЖОРГАНЫ
Флаг Чацвер, 6 кастрычніка 2022
Мінск 0°C
Усе навіны
Усе навіны
Грамадства
16 жніўня 2022, 09:24

Больш за Br2,2 млн паступіла за паўгода ў бюджэт Гомельскай вобласці ад здачы ў арэнду дзяржаб'ектаў

Фота з архіва
Фота з архіва

16 жніўня, Гомель /Кар. БЕЛТА/. Ад здачы ў арэнду дзяржаўных аб'ектаў у першым паўгоддзі ў бюджэт пералічана Br2,27 млн, паведамілі БЕЛТА ў камітэце "Гомельаблмаёмасць".

У паўднёва-ўсходнім рэгіёне краіны падвялі вынікі выкарыстання дзяржмаёмасці. Так, па выніках другога квартала агульная плошча будынкаў і збудаванняў камунальнай уласнасці Гомельскай вобласці і яе адміністрацыйна-тэрытарыяльных адзінак - больш за 13,5 млн кв.м. Абсалютную большасць з іх, або практычна 90 працэнтаў, уладальнікі выкарыстоўваюць самастойна. Прыкладна 7,5 працэнта аб'ектаў нерухомай маёмасці здаецца ў арэнду або перададзена ў бязвыплатнае карыстанне. Незадзейнічанымі застаюцца 2,75 працэнта.

У другім квартале квадратура нерухомай маёмасці зменшылася ў параўнанні з першым на 6 тыс. кв.м. "У асноўным на гэты паказчык паўплывалі такія фактары, як продаж або перадача аб'ектаў нерухомай маёмасці, а таксама знос непрыдатных да эксплуатацыі будынкаў і збудаванняў. Змяненні закранулі таксама невыкарыстоўваемыя і закансерваваныя плошчы. За гэты перыяд за кошт уключэння ў гаспадарчы абарот аб'ектаў і іх спісання плошчы, якія не выкарыстоўваюцца, зменшыліся на 23 тыс. кв.м. Закансерваваныя плошчы за квартал зменшыліся на 2 тыс. кв.м", - расказалі ў камітэце.

Паводле даных за другі квартал, у арэнду і бязвыплатнае карыстанне здаецца 1028,2 тыс. кв.м.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі