Поўная версія

Больш як 54 тыс. іншаземцаў прыехалі ў Беларусь у 2017 годзе па бязвізавым рэжыме

Грамадства 28.11.2017 | 14:22
Турыстка Лі Ен
Турыстка Лі Ен

28 лістапада, Мінск /Кар. БЕЛТА/. Больш як 54 тыс. іншаземцаў прыехалі ў Беларусь у 2017 годзе па бязвізавым рэжыме. Аб гэтым паведаміла сёння на прэс-канферэнцыі кансультант Дэпартамента па турызме Міністэрства спорту і турызму Беларусі Марына Масташова, перадае карэспандэнт БЕЛТА.

"У 2017 годзе па бязвізавым рэжыме да пяці сутак Беларусь праз Нацыянальны аэрапорт наведалі больш за 54 тыс. замежных грамадзян з 67 краін свету. Большая частка прыехаўшых - грамадзяне Германіі, больш за 8 тыс. чалавек. Каля 5,5 тыс. турыстаў - з Польшчы, з Італіі прыехалі 4,5 тыс. чалавек, з ЗША - 4 тыс., з Вялікабрытаніі - 3,8 тыс.", - расказала Марына Масташова.

Беларусь мае сучасную турыстычную інфраструктуру. У краіне дзейнічае 571 сродак размяшчэння на 38,6 тыс. месц, працуюць 2 279 аграсядзіб, 275 дамоў паляўнічага, больш за 480 санаторна-курортных і аздараўленчых устаноў, якія могуць прыняць амаль 47 тыс. чалавек. Арганізавана 40 стаянак для кемпінга.

Марына Масташова адзначыла, што турысты, якія прыязджаюць у Беларусь праз Нацыянальны аэрапорт, перш за ўсё, знаёмяцца з Мінскам. Яна нагадала, што беларуская сталіца ўпершыню ўвайшла ў дваццатку самых спартыўных гарадоў свету па рэйтынгу інфармацыйнага агенцтва Sportcal. Брытанскае выданне The Times уключыла Мінск у спіс 30 гарадоў, найбольш прывабных для ўік-энду.

"Самы папулярны і масавы ў Беларусі - культурна-пазнавальны турызм, гэтаму садзейнічаюь захаваныя, адноўленыя аб'екты гісторыка-культурнай спадчыны. Уладальнікі аграсядзіб стараюцца зрабіць больш разнастайнымі праграмы праз нацыянальную кухню, абрады і традыцыі, - расказала Марына Масташова. - Апошнія гады актыўна развіваецца медыцынскі турызм. Любая медустанова прапануе медыцынскія паслугі на платнай аснове, ёсць сучаснае абсталяванне, адэкватныя суадносіны цаны і якасці. Асаблівай папулярнасцю гэты від турызму карыстаецца ў рускамоўных турыстаў".-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
Учора 19:34
Беларускія каманды адпраўляюцца на Армейскія міжнародныя гульні
Учора 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
Учора 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
Учора 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
Учора 15:02
У БДПУ на некаторыя спецыяльнасці конкурс дасягае 10 чалавек на месца
Учора 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
Учора 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
Учора 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
Учора 09:42
Поўная версія