Поўная версія

Беларускія журналісты прадэманстравалі прафесіяналізм пры асвятленні II Еўрапейскіх гульняў

Грамадства 24.07.2019 | 18:41
Павел Лёгкі
Павел Лёгкі

24 ліпеня, Мінск /Кар. БЕЛТА/. Беларускія журналісты набылі каштоўны вопыт асвятлення буйных міжнародных стартаў у час II Еўрапейскіх гульняў. Аб гэтым расказаў сёння на ўшаноўванні прадстаўнікоў СМІ Беларусі ў Парку віртуальных забаў TELEPORT першы намеснік міністра інфармацыі Павел Лёгкі, паведамляе карэспандэнт БЕЛТА.

Ён адзначыў прафесіяналізм беларускіх журналістаў, якія на высокім узроўні асвятлялі мультыспартыўныя спаборніцтвы. "Беларускія СМІ атрымалі вялікі вопыт у асвятленні такога маштабнага і важнага форуму, як II Еўрапейскія гульні. Вы дапамаглі зрабіць сапраўднае свята для беларускіх і замежных балельшчыкаў", - заявіў Павел Лёгкі.

Выказаць удзячнасць журналістам за паспяховае асвятленне ходу падрыхтоўкі і правядзення II Еўрапейскіх гульняў у Мінску прыйшлі таксама намеснік дырэктара фонду "Дырэкцыя II Еўрапейскіх гульняў 2019 года" Анатоль Котаў, начальнік упраўлення па камунікацыях, сувязях з грамадскасцю і СМІ фонду Аляксей Багдановіч, начальнік упраўлення па маркетынгу, камерцыйных пытаннях і рэкламе дырэкцыі Максім Кашкалда.

Журналісты ўключыліся ў асвятленне форуму задоўга да яго старту. "Рэалізавана шмат сумесных праектаў, прыемна было працаваць з прадстаўнікамі тэлебачання і радыё, друкаваных і электронных СМІ, - звярнуўся да прысутных Анатоль Котаў. - Шмат цікавых матэрыялаў убачылі свет у час II Еўрапейскіх гульняў. Дырэкцыя рада такому шырокаму асвятленню і высокай цікавасці журналістаў да гульняў. Дзякуй, што вы дапамаглі зрабіць свята яркім і паспяховым".

Дыпломамі і памятнымі падарункамі былі адзначаны журналісты Беларускага тэлеграфнага агенцтва (БЕЛТА): намеснік генеральнага дырэктара Сяргей Адзярыха, карэспандэнт аддзела палітычнай і сацыяльнай інфармацыі Аляксандр Новікаў, вядучы фотакарэспандэнт Андрэй Пакумейка. Кіраўніцтва Мінінфарма і дырэкцыі II Еўрапейскіх гульняў адзначылі значны ўклад у інфармацыйнае забеспячэнне форуму супрацоўнікаў Агенцтва тэлевізійных навін (АТН) Белтэлерадыёкампаніі, тэлеканалаў "Беларусь 5", АНТ і СТБ, выдавецкага дома "Беларусь сегодня", газет "Прессбол", "Спортивная панорама" і многіх іншых.

На асвятленне II Еўрапейскіх гульняў у Мінску падалі заяўкі больш за 1 тыс. журналістаў з 52 краін. У чэрвені тэлетрансляцыі спаборніцтваў ажыццяўлялі больш за 1,3 тыс. прадстаўнікоў розных тэлекампаній.-0-

Навіны рубрыкі Грамадства
Зубры ў Белавежскай пушчы. Фота з архіва Белавежская пушча ўвайшла ў топ мясцін для падарожжаў у 2020 годзе ад National Geographic
Учора 19:55
Каштоўнасць жыцця павінна быць прыярытэтам і наймальнікаў, і работнікаў - дзяржінспекцыя працы
Учора 17:56
КДК арганізаваў гарачыя лініі па пытаннях бяспечнага знаходжання дзяцей у школах
Учора 15:01
Фота з архіва Прэс-канферэнцыя аб заканадаўстве ў сферы будаўнічай дзейнасці пройдзе ў БЕЛТА 21 лістапада
Учора 13:35
Нацкамісія па правах дзіцяці будзе практыкаваць выезды на месцы для вырашэння праблемных пытанняў
Учора 13:20
Моцны вецер і мінусавая тэмпература чакаюцца ў Беларусі ў бліжэйшыя дні
Учора 13:12
СК Беларусі і American Express будуць абменьвацца данымі аб кіберзлачынствах
Учора 12:49
Імёны амаль 620 чалавек знаходзяцца ў банку даных таленавітай моладзі Беларусі
Учора 10:01
Марзалюк аб сюжэце "Еўраньюс": няправільна выкарыстоўваць эпатажныя, беспадстаўныя заявы
19 Лістапад, 16:59
Поўная версія