Поўная версія

Беларускія і замежныя рэканструктары аднавілі эпізоды абароны Брэсцкай крэпасці

Грамадства 22.06.2019 | 14:51

22 чэрвеня, Брэст /Кар. БЕЛТА/. Тысячы брастаўчан і турыстаў сталі гледачамі ваенна-гістарычнай рэканструкцыі "22 чэрвеня. Брэсцкая крэпасць", прысвечанай 78-й гадавіне пачатку Вялікай Айчыннай вайны, перадае карэспандэнт БЕЛТА.

Пачалося дзейства з паказу мірнага жыцця гарнізона і таго, як войскі НКУС адлоўлівалі дыверсантаў. Гэта карціна змянілася раптоўным артналётам фашыстаў. Адным з першых у бой з нямецкай штурмавой групай уступіў асабовы склад трэцяга батальёна 84-га стралковага палка пад кіраўніцтвам Самвела Матэвасяна. Яго ролю выканаў Алег Калашнікаў з Варонежа.

"На самай справе, цяжка сабе ўявіць, што адчувалі людзі ў гэты момант. Бо тут няма сапраўдных выбухаў, снарадаў, куль. І хоць я мужчына, не бывае такога, каб не заплакаў. Неперадавальныя адчуванні, калі ты ляжыш і глядзіш у чыстае, спакойнае, мірнае неба, а ўсведамляеш, што быццам бы ты загінуў. Шкадаванне ніякага няма, адчуваю гонар, што абаронцы не здаліся, а біліся да апошняга. Дзякуй тым, хто загінуў тут па-сапраўднаму", - сказаў Алег Калашнікаў.

Былі паказаны і іншыя гераічныя і драматычныя эпізоды: здача ў палон мірнага насельніцтва, контратака байцоў Усходняга форта і подзвіг маёра Пятра Гаўрылава, гераізм артылерыстаў на чале з яфрэйтарам Васілём Валакіціным і пагранічнікаў заставы лейтэнанта Андрэя Кіжаватава. Для ўзмацнення эфекту рэканструктары выкарыстоўвалі халастыя снарады і піратэхніку. У пастаноўцы было задзейнічана больш за 500 аматараў гісторыі з 14 краін.

"Канва сцэнарыя абароны крэпасці застаецца нязменнай, стараемся аднавіць асноўныя гістарычныя эпізоды. Дабаўляем толькі новыя моманты, каб паказаць гераізм як мага большай колькасці абаронцаў", - адзначыў старшыня Савета грамадскага аб'яднання "Ваенна-гістарычны клуб "Гарнізон" Юрый Кірэеў.

Арганізатарамі мерапрыемства з'яўляюцца Брэсцкія абласны і гарадскі выканкамы, абласны Цэнтр маладзёжнай творчасці, грамадскае аб'яднанне "Ваенна-гістарычны клуб "Гарнізон", абласны і гарадскі ваенныя камісарыяты.-0-

Навіны рубрыкі Грамадства
Фота з архіва ЦВК: яўка выбаршчыкаў на датэрміновым галасаванні ў гэтым годзе вышэйшая, чым на парламенцкіх выбарах-2016
Учора 19:29
Беларусь займае 2-е месца сярод краін СНД па колькасці студэнтаў
Учора 18:45
Беларусь і Кітай да 2021 года плануюць рэалізаваць 35 сумесных навукова-тэхнічных праектаў
Учора 16:26
Міхаіл Русы ў час прыёму грамадзян Русы: на месцах з грамадзянамі трэба працаваць асабіста, а не перадаваць дакументы з кабінета ў кабінет
Учора 15:47
ФПБ з 15 лістапада будзе маніторыць выкананне тэмпературнага рэжыму на прадпрыемствах
Учора 14:41
Беларусь ініцыюе змяненне дагавора з Расіяй аб узаемных намаганнях у ахове граніцы
Учора 14:30
Фота з архіва Цёплае і пераважна без ападкаў надвор'е захаваецца ў Беларусі да пачатку наступнага тыдня
Учора 12:10
Зась: набыццё знішчальнікаў Су-30СМ паклала пачатак паэтапнаму пераўзбраенню ВПС Беларусі
Учора 10:10
Кіраўнікі дзяржорганаў у лістападзе правядуць выязныя прыёмы грамадзян
13 Лістапад, 19:55
Поўная версія