Поўная версія

Беларусь і Расія могуць стварыць дыскусійную пляцоўку па прыкладзе "Пецярбургскага дыялогу"

Грамадства 24.05.2019 | 17:43
Аляксей Венядзіктаў
Аляксей Венядзіктаў

24 мая, Брэст /Кар. БЕЛТА/. Беларусь і Расія могуць стварыць дыскусійную пляцоўку для абмеркавання актуальных праблем саюзнай дзяржавы па прыкладзе "Пецярбургскага дыялогу". Такая прапанова прагучала ў час круглага стала "Саюзная дзяржава: 20 гадоў у медыяпрасторы. Вынікі і перспектывы", які сёння адбыўся на палях XIV Беларускага міжнароднага медыяфоруму ў Брэсце, перадае карэспандэнт БЕЛТА.

Прапанову агучыў галоўны рэдактар радыёстанцыі "Рэха Масквы" Аляксей Венядзіктаў, які выступіў у ролі мадэратара дыскусіі. "У Расіі ёсць "Пецярбургскі дыялог" з Германіяй, дзе розныя інстытуты грамадзянскай супольнасці сустракаліся, абмяркоўвалі актуальныя праблемы двухбаковых адносін і выпрацоўвалі рэкамендацыі абодвум лідарам краін. Па выніках гэтага прымаліся рашэнні, даваліся даручэнні. Мяне здзіўляе, чаму гэта ёсць з Германіяй і дагэтуль няма з Беларуссю. Дзе сустракаюцца дзеячы навукі, культуры, адукацыі, бізнесмены? Дзе яны абменьваюцца вопытам, узаемадзейнічаюць, нарэшце? Можа, варта рэкамендаваць унутры Саюзнай дзяржавы правесці такі "Брэсцкі дыялог", напрыклад", - сказаў галоўны рэдактар.

Ідэю падтрымаў дзяржаўны сакратар Саюзнай дзяржавы Рыгор Рапота. "Цяпер ёсць запатрабаванасць у тым, каб грамадскія інстытуты ўзаемадзейнічалі адзін з адным. Думаю, калі будзе такі рух, ён атрымае падтрымку лідараў дзвюх краін. Я ў гэтым упэўнены і гатовы ўносіць свой уклад. Таму давайце паспрабуем актывізаваць гэту работу насустрач адзін аднаму менавіта па лініі грамадскіх інстытутаў. А ідэя сабраць фармат, як гэта рабілася з Германіяй, - адзін з магчымых варыянтаў", - заўважыў ён.

Рыгор Рапота пагадзіўся з агучаным у час дыскусіі меркаваннем аб недастатковай інфармаванасці грамадства адносна інтэграцыйных працэсаў, што адбываюцца ў Саюзнай дзяржаве. Такія медыяфорумы садзейнічаюць таму, каб задаволіць запатрабаванне грамадства на гэту інфармацыю. "Узаемадзеянне паміж тымі, хто непасрэдна з'яўляецца выканаўцамі інтэграцыйных працэсаў (міністэрствы, ведамствы, спецыялісты, урады і прэзідэнты), і прэсай павінна быць больш цесным", - лічыць Рыгор Рапота.

Гаворачы пра вынікі, урокі дваццацігадовага будаўніцтва Саюзнай дзяржавы і інфармацыйнага забеспячэння інтэграцыйнай праблематыкі, удзельнікі дыскусіі неаднаразова ўзнімалі тэму даверу да інфармацыйных рэсурсаў, канкурэнцыі за спажыўца паміж традыцыйнымі СМІ і інтэрнэтам, рознымі мэсэнджарамі. Што датычыцца развіцця сацыяльных сетак, з'яўлення тэлеграм-каналаў, начальнік галоўнага ідэалагічнага ўпраўлення Адміністрацыі Прэзідэнта Вольга Шпілеўская адзначыла: "Мы проста павінны навучыць нашага гледача і чытача правільна спажываць інфармацыю і разбірацца, хто за ёю стаіць". Разам з тым яна падкрэсліла, што галоўная задача любога дзяржаўнага сродку масавай інфармацыі - быць максімальна аб'ектыўным.-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
Учора 19:34
Беларускія каманды адпраўляюцца на Армейскія міжнародныя гульні
Учора 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
Учора 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
Учора 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
Учора 15:02
У БДПУ на некаторыя спецыяльнасці конкурс дасягае 10 чалавек на месца
Учора 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
Учора 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
Учора 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
Учора 09:42
Поўная версія