ДЗЯРЖОРГАНЫДЗЯРЖОРГАНЫ
Нядзеля, 12 ліпеня 2020
Мінск Суцэльная воблачнасць +13°C
Усе навіны
Усе навіны
Грамадства
22 мая 2018, 13:49

Беларусь і Ізраіль будуць развіваць навукова-тэхнічнае супрацоўніцтва

22 мая, Мінск /Кар. БЕЛТА/. Дзяржаўны камітэт па навуцы і тэхналогіях Беларусі і Міністэрства навукі і тэхналогій Ізраіля заключылі пагадненне аб навукова-тэхнічным супрацоўніцтве. Подпісы пад дакументам паставілі кіраўнікі двух ведамстваў Аляксандр Шумілін і Афір Акуніс, паведамілі БЕЛТА ў прэс-службе ДКНТ.

Згодна з дакументам, бакі ў 2018 годзе створаць сумесную рабочую групу па ўзаемадзеянні ў галіне навукі і тэхналогій і правядуць конкурс беларуска-ізраільскіх навукова-тэхнічных праектаў. Акрамя таго, ведамствы падрыхтуюць прапановы па арганізацыі і правядзенні сумесных семінараў, канферэнцый і выставак.

Аляксандр Шумілін у складзе беларускай дэлегацыі ўдзельнічае ў шостым пасяджэнні сумеснага Беларуска-ізраільскага камітэта па гандлёвым і эканамічным супрацоўніцтве, якое праходзіць у Іерусаліме 21-22 мая. Праграмай яго візіту прадугледжваюцца сустрэчы і перагаворы з кіраўніцтвам кампаніі "БМ Холдынг", прадстаўнікамі Ізраільскага агенцтва па інавацыях і Міністэрства сельскай гаспадаркі Ізраіля.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі