Поўная версія

Амаль 80 працэнтаў зваротаў у кантакт-цэнтр ЖКГ у штатным рэжыме абслугоўваюцца за 40 секунд

Грамадства 17.10.2019 | 14:28
Фота з архіва
Фота з архіва

17 кастрычніка, Мінск /Кар. БЕЛТА/. Каля 80 працэнтаў усіх уваходных выклікаў у кантакт-цэнтр службы 115 абслугоўваюцца на працягу 40 секунд пры рабоце ў штатным рэжыме. Аб гэтым у час анлайн-канферэнцыі на сайце БЕЛТА паведаміла начальнік аддзела маркетынгу КУП "Цэнтр інфармацыйных тэхналогій Мінгарвыканкама" Аксана Галавацкая.

Усяго ў кантакт-цэнтры працуюць каля 140 супрацоўнікаў. "Для работы ў звычайных умовах колькасць дастатковая для абслугоўвання 80 працэнтаў усіх уваходных выклікаў на працягу 40 секунд пры рабоце ў штатным рэжыме. Гэта адпавядае сусветнаму стандарту для кантакт-цэнтраў", - адзначыла Аксана Галавацкая.

Аднак пры ўзнікненні аварыйных, непрадбачаных сітуацый, якія могуць прывесці да масавага адключэння жыллёва-камунальных паслуг пастаўшчыкамі, адбываецца пэўны рост колькасці званкоў. Тады чаканне адказу аператара можа зацягвацца.

Аксана Галавацкая дадала, што з дапамогай кантакт-цэнтра і партала 155.бел любы жыхар Мінска можа расказаць камунальшчыкам аб праблеме, якую яны павінны аператыўна вырашыць. "Наша галоўная задача - добраўпарадкаваны горад і задаволеныя жыхары, але яна можа быць дасягнута толькі сумеснымі намаганнямі", - сказала яна.

Кантакт-цэнтр і партал "Мой Горад" (115.бел) пачаў работу ў лістападзе 2015 года ў Мінску. У 2017 годзе сэрвіс быў запушчаны ў Віцебску, а ў 2018-м - ва ўсіх раённых і абласных цэнтрах рэспублікі. Адначасова з выкарыстаннем праграмнага забеспячэння Цэнтра інфармацыйных тэхналогій Мінгарвыканкама створаны адзіныя дыспетчарскія службы, якія абслугоўваюць грамадзян па кароткім нумары 115.

Сёння кантакт-цэнтр уключае два аддзелы. Адзін з іх займаецца інфармацыйна-сэрвісным абслугоўваннем: прымае ўсе выклікі, што паступаюць на кароткі нумар 115, кансультуе па пытаннях ЖКГ, прымае заяўкі і афармляе рэгістрацыйныя карткі ў аўтаматызаванай сістэме "Дыспетчарская служба". Далей у рэжыме анлайн спецыялісты накіроўваюць іх на выкананне ў эксплуатуючыя арганізацыі, кругласутачна інфармуюць заяўнікаў аб этапах выканання заяўкі.

Другі аддзел - гэта адзіная дыспетчарская служба, якая кантралюе належнае выкананне ўсіх работ. Яна кантралюе выкананне заявак пры паўторных зваротах жыхароў, каардынуе дзеянні з пастаўшчыкамі камунальных паслуг і жыллёва-эксплуатацыйнымі ўчасткамі, вырашае пытанні, звязаныя з узнікненнем складаных, аварыйных сітуацый, пазапланавых адключэнняў.-0-

Навіны рубрыкі Грамадства
Фота з архіва ЦВК: яўка выбаршчыкаў на датэрміновым галасаванні ў гэтым годзе вышэйшая, чым на парламенцкіх выбарах-2016
Учора 19:29
Беларусь займае 2-е месца сярод краін СНД па колькасці студэнтаў
Учора 18:45
Беларусь і Кітай да 2021 года плануюць рэалізаваць 35 сумесных навукова-тэхнічных праектаў
Учора 16:26
Міхаіл Русы ў час прыёму грамадзян Русы: на месцах з грамадзянамі трэба працаваць асабіста, а не перадаваць дакументы з кабінета ў кабінет
Учора 15:47
ФПБ з 15 лістапада будзе маніторыць выкананне тэмпературнага рэжыму на прадпрыемствах
Учора 14:41
Беларусь ініцыюе змяненне дагавора з Расіяй аб узаемных намаганнях у ахове граніцы
Учора 14:30
Фота з архіва Цёплае і пераважна без ападкаў надвор'е захаваецца ў Беларусі да пачатку наступнага тыдня
Учора 12:10
Зась: набыццё знішчальнікаў Су-30СМ паклала пачатак паэтапнаму пераўзбраенню ВПС Беларусі
Учора 10:10
Кіраўнікі дзяржорганаў у лістападзе правядуць выязныя прыёмы грамадзян
13 Лістапад, 19:55
Поўная версія