Поўная версія

Амаль 80 працэнтаў запланаванай колькасці дзяцей прайшлі ўжо летняе аздараўленне ў Беларусі

Грамадства 10.07.2019 | 13:56
Фота з архіва
Фота з архіва

10 ліпеня, Мінск /Кар. БЕЛТА/. Амаль 80 працэнтаў дзяцей, якіх планавалася аздаравіць гэтым летам, паспелі ўжо адпачыць у лагерах розных тыпаў. Аб гэтым паведаміў сёння журналістам дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі, перадае карэспандэнт БЕЛТА.

"Цяпер у некаторых лагерах завяршаецца або ўжо завяршылася другая змена. Летняя аздараўленчая кампанія праходзіць у штатным рэжыме. Па выніках другой змены пройдуць аздараўленне ў лагерах розных тыпаў больш за 300 тыс. дзяцей, або каля 80 працэнтаў ад планавай лічбы, - сказаў Генадзь Балбатоўскі. - Мы планавалі аздаравіць летам амаль 390 тыс. дзяцей".

У дзве першыя змены арганізавана работа больш як 5 тыс. лагераў. Усе стацыянарныя лагеры адкрылі свае дзверы для школьнікаў. У бягучым годзе іх база абнавілася за кошт прыцягнення сродкаў з розных крыніц. "Усяго ж планавалася, што на ўмацаванне матэрыяльна-тэхнічнай базы лагераў будзе накіравана не менш за Br12 млн, у тым ліку сродкі суботніка", - дадаў Генадзь Балбатоўскі.

Кошт пуцёўкі па выніках 1-2 змен склаўся ў стацыянарных лагерах з кругласутачным знаходжаннем у суме каля Br450, з дзённым - Br120. Бацькоўская плата складае каля 10 працэнтаў, астатняе - за кошт датацыі, розніца кампенсуецца таксама прафсаюзнымі арганізацыямт і з іншых крыніц.

Прыярытэтам кампаніі застаецца бяспечнае знаходжанне дзяцей у лагерах. Для гэтага праводзіцца пастаянны маніторынг іх дзейнасці.

Акрамя таго, паколькі дзіцячыя санаторыі і рэабілітацыйныя цэнтры з'яўляюцца небюджэтнымі арганізацыямі, задача зарабляць грошы для іх вельмі актуальна. "Доля пуцёвак за кошт рэспубліканскага бюджэту з году ў год скарачаецца. Мы пакідаем на рэалізацыю больш месцаў. Пік свабоднай рэалізацыі пуцёвак у дзіцячыя санаторыі прыпадае на летнія канікулы. Упэўнены, што па выніках года, калі мы атрымаем даныя, колькасць замежных дзяцей будзе большая ў параўнанні з мінулым годам. Асабліва актыўна едуць дзеці-спартсмены з Расіі, таму што база нашых устаноў мае выдатныя залы для заняткаў гімнастыкай, альпінізмам і г. д.", - адзначыў Генадзь Балбатоўскі.

За кошт сродкаў Саюзнай дзяржавы на гэты год набыта 210 пуцёвак для дзяцей, якія пражываюць на забруджаных радыенуклідамі тэрыторыях. Хлопчыкі і дзяўчынкі адпачнуць у дзіцячых рэабілітацыйных цэнтрах "Світанак" і "Жамчужына" на тэрыторыі Беларусі, у дзіцячым цэнтры "Янтар" на чарнаморскім узбярэжжы. Для ветэранаў і ўдзельнікаў Вялікай Айчыннай вайны набыта 60 пуцёвак, усе будуць аздараўляцца ў беларускіх санаторыях: "Сасновы бор", "Журавушка" і "Чабарок".-0-

Навіны рубрыкі Грамадства
Фота з архіва Белгідрамет расказаў аб экалагічнай абстаноўцы ў I паўгоддзі
Учора 19:34
Беларускія каманды адпраўляюцца на Армейскія міжнародныя гульні
Учора 18:40
У Беларусі ў І паўгоддзі пабудавана 19,3 тыс. кватэр, больш за трэць уведзенага жылля - для маючых патрэбу
Учора 18:02
Фота з архіва Цёплае надвор'е з дажджамі чакаецца ў Беларусі ў трэцяй дэкадзе ліпеня
Учора 15:13
Тэмпература паветра ў Беларусі ў I паўгоддзі была на 2,3 градуса вышэйшая за норму
Учора 15:02
У БДПУ на некаторыя спецыяльнасці конкурс дасягае 10 чалавек на месца
Учора 12:37
Зацверджана інструкцыя, якая вызначае паўнамоцтвы ДФР КДК у пытаннях карэкціроўкі падатковай базы
Учора 12:28
Міністэрства аховы здароўя прадаўжае работу па пераходзе галіны на новую сістэму аплаты працы з 2020 года
Учора 10:38
Пракуратура ўзяла на кантроль выкананне інвестпраграм па будаўніцтве сацыяльна значных аб'ектаў
Учора 09:42
Поўная версія