ДЗЯРЖОРГАНЫДЗЯРЖОРГАНЫ
Флаг Нядзеля, 27 лістапада 2022
Мінск -2°C
Усе навіны
Усе навіны
Грамадства
05 кастрычніка 2022, 14:58

Адзіныя ўрокі і шосты школьны дзень. Мінадукацыі аб выхаванні вучняў у пазавучэбны час

Фота з архіва
Фота з архіва

5 кастрычніка, Мінск /Кар. БЕЛТА/. Міністэрства адукацыі зацвердзіла інструкцыю аб правядзенні выхаваўчай работы педагагічнымі работнікамі ў пазавучэбны час з вучнямі. Адпаведная пастанова Мінадукацыі нумар 332 ад 22 верасня 2022 года афіцыйна апублікавана на Нацыянальным прававым інтэрнэт-партале, паведамляе БЕЛТА.

Інструкцыяй агаворваецца, што выхаваўчая работа ў пазавучэбны час - мэтанакіраваная, сістэматычная і запланаваная дзейнасць педагагічных работнікаў, у тым ліку прафесарска-выкладчыцкага складу, накіраваная на фарміраванне ў вучняў пачуцця патрыятызму, грамадзянскасці, павагі да памяці абаронцаў Айчыны, закону і правапарадку, чалавека працы і старэйшага пакалення, беражлівага стаўлення да гісторыка-культурнай спадчыны і традыцый беларускага народа, стварэнне ўмоў для самавызначэння, сацыялізацыі і самарэалізацыі асобы вучня.

Выхаваўчая работа, у прыватнасці, са школьнікамі ў пазавучэбны час арганізуецца ў рэжыме шасцідзённага тыдня, што ўключае ў сябе пяцідзённы вучэбны тыдзень і шосты школьны дзень, у які праводзяцца ў тым ліку спартыўна-масавыя, турыстычныя мерапрыемствы, экскурсіі.

Таксама агаворваюцца абавязкі класнага кіраўніка, куратара вучэбнай групы. Адзначаецца, што яны садзейнічаюць адаптацыі вучняў ва ўстанове адукацыі, стварэнню спрыяльнага псіхалагічнага клімату і фарміраванню з'яднанага класнага калектыву, калектыву вучэбнай групы. Разам з законнымі прадстаўнікамі непаўналетніх вучняў удзельнічаюць у планаванні іх адпачынку і аздараўлення ў перыяд канікулаў.

На класных, куратарскіх гадзінах разглядаюцца пытанні падтрымання дысцыпліны, выканання правіл унутранага распарадку для вучняў, вынікаў вучэбнай дзейнасці, удзелу ў жыцці класа, вучэбнай групы. Павінны праводзіцца і інфармацыйныя гадзіны, адзіныя ўрокі, прысвечаныя памятным падзеям, дзяржаўным святам і знамянальным датам.

Класны кіраўнік, куратар вучэбнай групы праводзяць работу па прафілактыцы проціпраўных паводзін, фарміраванні прававой культуры вучняў, рэалізацыі прынцыпу інклюзіі ў адукацыі, удзельнічаюць у рэалізацыі плана мерапрыемстваў па ўстараненні прычын і ўмоў, якія прывялі да стварэння неспрыяльнай для дзяцей абстаноўкі, плана абароны правоў і законных інтарэсаў дзіцяці, правядзенні індывідуальнай прафілактычнай работы. Акрамя таго, яны рыхтуюць вучняў да самастойнага жыцця, прафесійнага самавызначэння, выбару прафесіі і працы, садзейнічаюць выхаванню культуры побыту і вольнага часу і інш.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі