Поўная версія

У Беларусі становіцца больш строгім парадак аказання дзяржпадтрымкі

Прэзідэнт 10.01.2019 | 18:52

10 студзеня, Мінск /Кар. БЕЛТА/. У Беларусі становіцца больш строгім парадак аказання дзяржаўнай фінансавай падтрымкі. Гэта прадугледжана ўказам нумар 10, які Прэзідэнт Беларусі Аляксандр Лукашэнка падпісаў 10 студзеня, паведамілі БЕЛТА ў прэс-службе кіраўніка дзяржавы.

Дакумент уносіць шэраг змяненняў ва ўказ ад 23 сакавіка 2016 года нумар 106 "Аб дзяржаўных праграмах і аказанні дзяржаўнай фінансавай падтрымкі".

У прыватнасці, устаноўлена, што дзяржпадтрымка можа аказвацца ў выключных выпадках па рашэнні Прэзідэнта толькі ў выглядзе прадастаўлення бюджэтнай пазыкі для рэалізацыі інвестыцыйных праектаў, якія прайшлі дзяржаўную комплексную экспертызу і маюць станоўчае заключэнне.

Указам удакладнена кола асоб, якія могуць разлічваць на дзяржпадтрымку. У спіс трапілі юрыдычныя асобы - рэзідэнты Рэспублікі Беларусь (за выключэннем бюджэтных арганізацый, банкаў, Банка развіцця Беларусі, страхавых і нябанкаўскіх крэдытна-фінансавых арганізацый, калі іншае не ўстаноўлена кіраўніком дзяржавы) і індывідуальныя прадпрымальнікі.

Пры гэтым умовай аказання дзяржпадтрымкі з'яўляецца дасягненне прадпрыемствам асноўных паказчыкаў дзейнасці: рэнтабельнасць продажаў, прадукцыйнасць працы, зніжэнне ўзроўню затрат на вытворчасць і рэалізацыю прадукцыі. Карэкціроўка паказчыкаў у далейшым забараняецца. Калі гэтыя паказчыкі не будуць дасягнуты, пазычальнік павінен будзе датэрмінова вярнуць бюджэтныя сродкі.

Дакументам таксама ўведзены абавязак па штогадовым прадстаўленні пазычальнікам звестак аб дасягненні асноўных паказчыкаў, напрамках выкарыстання пазыкі і выкананні абавязацельстваў па дагаворы. Замацаваны механізм вызначэння льготных ставак па крэдытах, што выдаюцца ў якасці фінансавай падтрымкі пры рэалізацыі дзяржаўных праграм.-0-

Навіны рубрыкі Прэзідэнт
Лукашэнка абмеркаваў з Сянько мытныя даходы і размеркаванне ўвазных пошлін у ЕАЭС
13:42
Лукашэнка: падтрымліваючы Беларусь, Расія перш за ўсё падтрымлівае сябе
12:28
"Перспектыўны партнёр у Сібіры" - Лукашэнка назваў прыярытэты ў рабоце з Новасібірскай вобласцю
11:18
Задачы Парадку дня-2030 былі пастаўлены ў Беларусі на дзяржузроўні задоўга да яго прыняцця - Лукашэнка
11:08
Лукашэнка: развіццё супрацоўніцтва паміж Беларуссю і Ліхтэнштэйнам адпавядае інтарэсам абедзвюх краін
Учора 09:31
Дапрацоўка законапраекта і экспертныя меркаванні - падрабязнасці нарады ў Лукашэнкі па дзяржслужбе
22 Студзень, 16:23
Аляксандр Лукашэнка Новая рэдакцыя закона аб дзяржслужбе разгледжана на нарадзе ў Лукашэнкі
22 Студзень, 11:12
Лукашэнка лічыць неабходным актывізаваць кантакты з Тунісам
21 Студзень, 12:35
Гана можа стаць адной з апорных кропак супрацоўніцтва Беларусі з дзяржавамі Афрыкі - Лукашэнка
21 Студзень, 12:27
Поўная версія