ДЗЯРЖОРГАНЫДЗЯРЖОРГАНЫ
Флаг Серада, 27 кастрычніка 2021
Мінск Ясна +7°C
Усе навіны
Усе навіны
Прэзідэнт
16 верасня 2021, 14:53

"У Беларусі шмат цікавага для Пакістана". Лукашэнка правёў у Душанбэ сустрэчу з Імранам Ханам

У час сустрэчы
У час сустрэчы

16 верасня, Душанбэ /Кар. БЕЛТА/. Беларусь вельмі зацікаўлена развіваць супрацоўніцтва з Пакістанам. Аб гэтым Прэзідэнт Беларусі Аляксандр Лукашэнка заявіў сёння на сустрэчы з прэм'ер-міністрам Пакістана Імранам Ханам у Душанбэ, перадае карэспандэнт БЕЛТА.

"Мы вельмі зацікаўлены ў супрацоўніцтве з велізарнай краінай, якой з'яўляецца Пакістан. Я ўпэўнены, што вашы спецыялісты і члены ўрада знойдуць у Беларусі шмат цікавага для Пакістана", - сказаў Аляксандр Лукашэнка.

Кіраўнік дзяржавы канстатаваў, што цяпер тавараабарот паміж краінамі зусім невялікі. У той жа час, паводле яго слоў, нягледзячы на цяжкія, як кажуць у свеце, часы, аб'ёмы ўзаемнага гандлю ў мінулым і асабліва ў гэтым годзе істотна выраслі.

Да канца года з візітам Пакістан наведае міністр замежных спраў Беларусі Уладзімір Макей. Бакі дамовіліся актывізаваць работу па падрыхтоўцы пасяджэння міжурадавай камісіі. "Гэта дасць магчымасць інтэнсіфікаваць нашы кантакты ва ўсіх сферах. Закрытых тэм у нас у адносінах з Пакістанам няма", - падкрэсліў Прэзідэнт.

Аляксандр Лукашэнка таксама адзначыў паспяховае развіццё Пакістана, якое не спыняюць нават існуючыя ў рэгіёне складанасці. "Будзем рады ўнесці свой уклад у гэта развіццё. І чакаем вас у Мінску", - падагульніў ён.

Імран Хан згадзіўся, што рэгіён цяпер перажывае не самы просты час: краіны змагаюцца з наступствамі пандэміі, з'явіліся новыя выклікі ў сферы бяспекі пасля падзей у Афганістане, неабходна таксама вырашаць розныя палітычныя пытанні.

Прэм'ер-міністр адзначыў: адносіны паміж дзвюма краінамі існуюць ужо даўно, асабліва цесна Беларусь і Пакістан супрацоўнічаюць у сельскай гаспадарцы і прамысловасці. Ён выказаў надзею, што візіт беларускай дэлегацыі ўнясе ўклад ва ўмацаванне двухбаковага супрацоўніцтва.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі