Поўная версія

Рост ВУП - 4 працэнты, інфляцыя не вышэйшая за 5 працэнтаў - Лукашэнка зацвердзіў задачы развіцця Беларусі ў 2019 годзе

Прэзідэнт 20.12.2018 | 18:40
Фота з архіва
Фота з архіва

20 снежня, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў указ нумар 483 "Аб задачах сацыяльна-эканамічнага развіцця Рэспублікі Беларусь на 2019 год". Аб гэтым БЕЛТА паведамілі ў прэс-службе беларускага лідара.

У адпаведнасці з указам мэтай сацыяльна-эканамічнага развіцця на 2019 год з'яўляецца забеспячэнне эканамічнага росту Беларусі, што перавышае сярэднесусветны ўзровень, і павышэнне на гэтай аснове ўзроўню дабрабыту беларускага народа.

Кіраўніком дзяржавы вызначаны ключавыя паказчыкі эфектыўнасці работы ўрада Беларусі на 2019 год, у тым ліку тэмп росту валавога ўнутранага прадукту - 104 працэнты, экспарту тавараў і паслуг - 105,4 працэнта, рэальных наяўных грашовых даходаў насельніцтва - 103,4 працэнта.

Ключавым індыкатарам для Нацыянальнага банка з'яўляецца параметр па інфляцыі, якая па выніках 2019 года не павінна перасягнуць 5 працэнтаў.

Пры падпісанні ўказа ў мэтах забеспячэння ўстойлівага і доўгатэрміновага росту кіраўніком дзяржавы ўсёй вертыкалі ўлады пастаўлены дадатковыя задачы па актуальных пытаннях сацыяльна-эканамічнага развіцця. У тым ліку па распрацоўцы і ўнясенні прапаноў для павышэння патэнцыяльнага валавога ўнутранага прадукту і стварэння новых крыніц яго росту; правядзенні сістэмнай рэгіянальнай палітыкі ў мэтах выраўноўвання развіцця тэрыторый, скарачэння міжабласной і міжраённай дыферэнцыяцыі ўзроўню і якасці жыцця насельніцтва, а таксама стварэння новых высокапрадукцыйных рабочых месцаў, перш за ўсё ў рэгіёнах; устараненні макраэканамічных дысбалансаў, недапушчэнні нарастання даўгавых "навесаў"; прыняцці дзейсных мер па паляпшэнні фінансавага стану праблемных прадпрыемстваў; далейшым павышэнні заработных плат на аснове адпаведнага росту прадукцыйнасці працы.

Ураду даручана ўносіць прапановы аб карэкціроўцы прагнозных параметраў з улікам фактычна існуючых знешніх эканамічных умоў.-0-

Навіны рубрыкі Прэзідэнт
Фота з архіва Лукашэнка зробіць рабочы візіт у Кітай для ўдзелу ў форуме "Пояс і шлях"
09:03
Працоўныя пенсіі ў Беларусі з 1 мая вырастуць на 6,5 працэнта
Учора 16:40
Лукашэнка ўручыў дзяржузнагароды спартсменам і трэнерам па цяжкай атлетыцы
Учора 11:06
Лукашэнка павіншаваў нацыянальную каманду па скачках на батуце з паспяховым выступленнем на дамашнім этапе Кубка свету
22 Красавік, 19:29
Лукашэнка і Пуцін абмеркавалі бягучыя моманты двухбаковых адносін
22 Красавік, 17:56
"Трэба аддаць даніну павагі тым, хто там ляжыць" - Лукашэнка выказаўся аб Курапатах
22 Красавік, 11:48
Уладзімір Зяленскі. Фота Укрінфарм Лукашэнка павіншаваў Зяленскага з выбраннем на пасаду Прэзідэнта Украіны
22 Красавік, 09:36
Лукашэнка: падзеі ваенных гадоў на "Лініі Сталіна" вучаць заўсёды быць гатовымі да адбіцця агрэсіі
22 Красавік, 09:26
Лукашэнка заклікаў асобных расійскіх палітыкаў не пакутаваць наконт яго заяў аб суверэнітэце
22 Красавік, 09:18
Поўная версія