Поўная версія

Лукашэнка: выбары заўсёды былі ў Беларусі святам

Прэзідэнт 15.10.2019 | 12:46

15 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка сёння ўзгадніў назначэнне кіраўнікоў мясцовых органаў улады, перадае карэспандэнт БЕЛТА.

Першы намеснік кіраўніка адміністрацыі Маскоўскага раёна Мінска Таццяна Калядка пайшла на павышэнне, узначаліўшы раённую адміністрацыю.

"Вы цяпер займаецеся выбарамі. Якія недахопы, што яшчэ трэба зрабіць за гэты час, каб выбары дастойна прайшлі? - спытаў у яе Прэзідэнт. - Мы ж не можам паказаць сваю неарганізаванасць. Выбары заўсёды былі ў Беларусі святам. Мы павінны арганізаваць гэты працэс як святочны, але не забываць аб тым, што гэта выбары, што мы выбіраем прадстаўнікоў у парламент".

На думку Таццяны Калядка, кандыдаты ў дэпутаты павінны больш якасна прапрацоўваць свае праграмы і часцей праводзіць сустрэчы з насельніцтвам. Яна адзначыла, што цяпер гарадскія ўлады працуюць над арганізацыяй выбараў, у гэту работу па традыцыі таксама будзе ўключана грамадскае харчаванне, сваю прадукцыю на ўчастках прадставяць вытворцы спажывецкіх тавараў. "У нас вельмі шмат выбарчых участкаў у школах. Мы прадумваем святочныя мерапрыемствы", - дадала яна.

Акрамя таго, на пасаду старшыні Дубровенскага райвыканкама ўзгоднены Анатоль Лукашоў. Цяпер ён з'яўляецца намеснікам старшыні Пастаяннай камісіі Палаты прадстаўнікоў па аграрнай палітыцы. Старшыня Дрыбінскага раённага Савета дэпутатаў Дзмітрый Пімашэнка ўзгоднены на пасаду старшыні Мсціслаўскага райвыканкама.-0-

Навіны рубрыкі Прэзідэнт
Поўная версія