ДЗЯРЖОРГАНЫДЗЯРЖОРГАНЫ
Флаг Нядзеля, 25 ліпеня 2021
Мінск Ясна +14°C
Усе навіны
Усе навіны
Прэзідэнт
19 чэрвеня 2021, 12:01

Лукашэнка: у Беларусі пакуль няма неабходнасці ўводзіць абавязковую вакцынацыю ад COVID-19

Фота з архіва
Фота з архіва

19 чэрвеня, Мінск /Кар. БЕЛТА/. У Беларусі пакуль няма неабходнасці ўводзіць абавязковую вакцынацыю ад COVID-19. Аб гэтым Прэзідэнт Беларусі Аляксандр Лукашэнка заявіў сёння ў час сустрэчы з калектывам 2-й гарадской дзіцячай клінічнай бальніцы, перадае карэспандэнт БЕЛТА.

Медыкі заўважылі, што ў Расіі цяпер рэзкі ўздым каранавіруснай інфекцыі і ўлады прымаюць меры для ўвядзення абавязковай вакцынацыі. У сувязі з гэтым у кіраўніка дзяржавы пацікавіліся, ці не плануецца ўводзіць абавязковую вакцынацыю працоўных калектываў ад COVID-19 у Беларусі.

"Не дай бог. Калі ўзнікне такая сітуацыя, абавязкова будзе ўведзены такі прынцып. Дзякуй богу, неабходнасці такой пакуль няма", - сказаў Аляксандр Лукашэнка. Прэзідэнт дадаў, што перажывае за расіян, але разлічвае, што гэта ўспышка каранавіруса хутка скончыцца.

Кіраўнік дзяржавы праз тыдзень плануе правесці нараду па ўдасканаленні сістэмы аховы здароўя ў Мінску і барацьбе з каранавірусам. "Мы паглядзім на сітуацыю і падумаем, што трэба зрабіць. Вопыт у нас ужо вялікі ў гэтым плане, мы ведаем, што трэба рабіць, але тым не менш кантроль павінен быць і з боку Прэзідэнта. І губернатары, і службовыя асобы - усе займаюцца гэтай праблемай, кожны робіць сваё. Усё размеркавана ад Прэзідэнта да ўрача", - падкрэсліў ён.

У той жа час Аляксандр Лукашэнка адзначыў, што вакцынацыя ад каранавіруса лішняй не будзе. Асабліва тых работнікаў, якія маюць пастаянныя кантакты з вялікай колькасцю людзей. "Мы пакуль настойліва рэкамендуем, асабліва ўрачам", - сказаў кіраўнік дзяржавы.

Супрацоўнікі бальніцы ў час сустрэчы закранулі яшчэ адну тэму, якая хвалюе беларусаў: магчымасці выезду за мяжу ў адпускны перыяд. Аляксандр Лукашэнка парэкамендаваў з улікам кавіднай сітуацыі па меры магчымасці ўсё ж такі адпачываць у краіне, тым больш, што ўмовы для гэтага ёсць. Пры гэтым ён падкрэсліў, што прадугледжаны магчымасці для вылету ў курортныя краіны цераз Расію з-за ўведзеных некаторымі краінамі абмежаванняў. "Што датычыцца Чорнага мора, Сочы, Грузіі, то вельмі вялікі паток людзей, і няма праблем з пералётамі туды, вядома, зрабіўшы неабходныя тэсты", - сказаў кіраўнік дзяржавы.

Прэзідэнт таксама звярнуў увагу на суседнюю Украіну, якая ўвяла для беларусаў абмежаванні па перамяшчэнні людзей. "Мы тут ратуем іх людзей і будзем ратаваць, людзі ні ў чым не вінаватыя (на Украіну прыпадае 85 працэнтаў ад экспарту паслуг у 2-й дзіцячай бальніцы. - Заўвага БЕЛТА), а яны закрылі нам пралёт, і нам даводзіцца рабіць круг, аблятаючы іх, каб трапіць у Турцыю і далей", - адзначыў кіраўнік дзяржавы.

Разам з тым Аляксандр Лукашэнка выказаў меркаванне, што паколькі Украіна закрыла для беларускага боку магчымасць авіяпралёту над сваёй тэрыторыяй, то трэба ім адказаць адэкватна. Беларускі бок таксама не будзе прымаць самалёты, якія ляцяць цераз Украіну. "Гэта значыць, трэба стварыць роўныя ўмовы для нашых самалётаў "Белавія". Калі мы гэтым шляхам ляцім, то мы прымусім і іншых лятаць гэтым шляхам у Беларусь", - дадаў Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі