Поўная версія

Лукашэнка сустрэўся з экс-прэзідэнтам Латвіі Гунцісам Улманісам

Прэзідэнт 16.11.2018 | 13:13
Гунціс Улманіс і Аляксандр Лукашэнка
Гунціс Улманіс і Аляксандр Лукашэнка

16 лістапада, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка сёння ў Палацы Незалежнасці сустрэўся з экс-прэзідэнтам Латвіі Гунцісам Улманісам, перадае карэспандэнт БЕЛТА.

Аляксандр Лукашэнка і Гунціс Улманіс цёпла паразмаўлялі, успомнілі сустрэчы мінулых гадоў. "Я з такім жаданнем сёння сюды прыйшоў, як да блізкага знаёмага чалавека. Успомніў усе гэтыя моманты, калі мы сустракаліся, - адзначыў экс-прэзідэнт Латвіі. - Мне ніхто ніколі не сапсуе тыя сардэчныя ўзаемаадносіны, якія былі і ёсць".

"Добра, што ёсць што ўспомніць", - згадзіўся Прэзідэнт Беларусі.

Гунціс Улманіс нагадаў, што кіраўніка беларускай дзяржавы чакаюць з візітам у Рызе: "Мой калега (дзеючы Прэзідэнт Латвіі) выказаў гэту прапанову, з міністрам замежных спраў Беларусі таксама ўчора гаварылі, што ў Рызе вы павінны пабываць".

"Абавязаны", - сказаў кіраўнік беларускай дзяржавы.

Аляксандр Лукашэнка і Гунціс Улманіс абмеркавалі розную тэматыку, у тым ліку былі адзначаны цесныя кантакты паміж грамадзянамі абедзвюх краін.

Як паведамлялася БЕЛТА, Гунціс Улманіс знаходзіцца ў Беларусі для ўдзелу ў мерапрыемствах, прысвечаных 100-годдзю абвяшчэння незалежнасці Латвіі, якое будуць адзначаць 18 лістапада. Ён першы прэзідэнт Латвіі пасля аднаўлення незалежнасці ў 90-я гады XX стагоддзя і траюрадны пляменнік старшыні Часовага ўрада, які ўдзельнічаў у абвяшчэнні Латвійскай Рэспублікі ў лістападзе 1918 года, Карліса Улманіса.-0-

Навіны рубрыкі Прэзідэнт
Фота з архіва Лукашэнка: кантакты Беларусі і Латвіі садзейнічаюць умацаванню бяспекі і стабільнасці ў рэгіёне
Учора 18:49
Лукашэнка: Беларусь імкнецца да пашырэння дыялогу з Аманам на прынцыпах даверу і ўзаемаразумення
Учора 11:41
Лукашэнка мае намер наведаць Латвію ў першым-другім квартале 2020 года
17 Лістапад, 16:53
Лукашэнка аб намеры балаціравацца: я за гэта крэсла не трымаюся, але сваю кандыдатуру прапаную
17 Лістапад, 16:46
Лукашэнка: Беларусь заўсёды будзе заставацца ў сваіх межах, ні перад кім не поўзаючы на каленях
17 Лістапад, 16:33
Лукашэнка на выбарчым участку больш за гадзіну адказваў на пытанні журналістаў
17 Лістапад, 16:20
Лукашэнка: у мяне на стале ляжаць спісы дэпутатаў, якіх выберуць? Гэта смех
17 Лістапад, 16:04
Лукашэнка аб выніках у сельскай гаспадарцы: год быў не ідэальны, але добры
17 Лістапад, 15:19
Лукашэнка аб прызнанні выбараў: я наконт гэтага перажываць не прывык
17 Лістапад, 15:02
Поўная версія