Поўная версія

Лукашэнка павіншаваў калектыў Віцебскага медуніверсітэта з 85-годдзем з дня заснавання ВНУ

Прэзідэнт 01.11.2019 | 10:05
На занятках. Фота з архіва
На занятках. Фота з архіва

1 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў калектыў Віцебскага дзяржаўнага ордэна Дружбы народаў медыцынскага ўніверсітэта з 85-годдзем з дня заснавання ВНУ. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы канстатаваў, што айчынная медыцына ў апошнія дзесяцігоддзі дынамічна развіваецца, дэманструе значныя поспехі ў распрацоўцы перспектыўных метадаў прафілактыкі, дыягностыкі і лячэння насельніцтва. Асвойваюцца перадавыя тэхналогіі, ствараюцца новыя лекавыя прэпараты. "У гэтым вялікая заслуга ўніверсітэта, які беражліва захоўвае лепшыя традыцыі адукацыі і навукі, актыўна развівае міжнароднае супрацоўніцтва, забяспечвае высокі ўзровень ведаў і якасць падрыхтоўкі кадраў", - гаворыцца ў віншаванні.

Прэзідэнт выказаў удзячнасць калектыву ўстановы за высокі прафесіяналізм, бязмежную адданасць сваёй справе і пастаяннае імкненне да ўдасканалення. "Гісторыю ВНУ стваралі выдатныя педагогі і выпускнікі - вядомыя дзеячы розных галін, лаўрэаты прэстыжных дзяржаўных прэмій і ўзнагарод, акадэмікі, кіраўнікі эфектыўных прадпрыемстваў", - адзначыў Аляксандр Лукашэнка.-0-

Навіны рубрыкі Прэзідэнт
Поўная версія