Поўная версія

Лукашэнка падкрэслівае важнасць вырашэння бягучых пытанняў у супрацоўніцтве з Расіяй

Прэзідэнт 09.07.2019 | 12:34
У час сустрэчы
У час сустрэчы

9 ліпеня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка падкрэслівае важнасць вырашэння бягучых пытанняў у супрацоўніцтве з Расіяй, а не толькі стратэгічных. Аб гэтым ён заявіў сёння на сустрэчы з Дзяржаўным сакратаром Саюзнай дзяржавы Рыгорам Рапотам, перадае карэспандэнт БЕЛТА.

"Трэба вырашаць і бягучыя пытанні, якіх у нас з Расіяй нямала. Напрыклад, у нас сёння каля 80 прадпрыемстваў закрыты Рассельгаснаглядам або нейкім там органам у Расіі, а можа, і ўрадам. Хутчэй за ўсё, урадам. Закрыты для паставак нашай прадукцыі ў Расію. Прытым па надуманай падставе. Можна ж прыняць і абгрунтаваць любое рашэнне, - адзначыў кіраўнік дзяржавы. - Напрыклад, такое пытанне. Калі мы так адзін з адным сёння будуем адносіны, слухайце, пра якую агульную валюту і ўваходжанне або аб'яднанне дзяржаў можна гаварыць... Трэба расчысціць. Гэтага проста быць не павінна ў адносінах паміж дзвюма дзяржавамі".

Аляксандр Лукашэнка прывёў яшчэ адзін прыклад - доступ да дзяржзаказаў. "Усё павінна быць у роўных умовах. І прадпрыемствы Расіі, і Беларусі", - заявіў ён.

"Або прамысловая кааперацыя, пра якую мы шмат гаворым. Або падатковы манеўр, які падкінулі замест мытных пошлін, аб якіх мы дамаўляліся, што іх наогул у ЕАЭС быць не павінна. Не тое што ў Саюзнай дзяржаве. Або скончыліся ўжо фактычна тэрміны па перагаворах на пастаўкі прыроднага газу і нафты на будучае. Мноства пытанняў. Якія не вырашаюцца. І мы дамовіліся, што, вырашаючы стратэгічныя пытанні, мы паралельна будзем вырашаць і пытанні тактычнага характару, якія ляжаць на паверхні", - прадоўжыў беларускі лідар.

"Таму што без вырашэння гэтых пытанняў і размаўляць няма аб чым, з нашага боку. Гэта значыць шмат праблем", - канстатаваў Аляксандр Лукашэнка.-0-

Навіны рубрыкі Прэзідэнт
Аляксандр Лукашэнка Інвестары агучылі патрабаванні па дражджавым заводзе ў Слуцку. Лукашэнка вырашыў асабіста разабрацца ў пытанні
11:58
Лукашэнка: Магілёўская вобласць гатова паспяхова вырашыць усе задачы аграпрамысловай галіны
09:07
Лукашэнка накіраваў спачуванне Прэзідэнту Славакіі ў сувязі з ахвярамі аўтамабільнай аварыі каля Нітры
Учора 18:14
Фота з архіва Дзяржава будзе кампенсаваць экспарцёрам да 50 працэнтаў расходаў на замежныя выстаўкі і сертыфікацыю
Учора 17:40
"Беларусы не нахлебнікі" - Лукашэнка абмеркаваў з Засем і Лапо супрацоўніцтва з Расіяй на агульнай граніцы
Учора 12:34
Ад геапалітыкі да асабістых гарантый бізнесу - Лукашэнка на бізнес-форуме ў Вене выступіў з яркай прамовай
13 Лістапад, 11:18
У час бізнес-форуму Лукашэнка расказаў аўстрыйскаму бізнесу пра галоўныя прынцыпы ў супрацоўніцтве з Беларуссю
13 Лістапад, 09:37
Лукашэнка ў Вене сустрэўся з Курцам
13 Лістапад, 09:06
Лукашэнка сустрэўся са старшынёй Нацыянальнага савета Аўстрыі
12 Лістапад, 18:33
Поўная версія