Поўная версія

Лукашэнка мае намер правесці нараду з праваахоўным блокам

Прэзідэнт 13.08.2019 | 12:59
Аляксандр Лукашэнка і Іван Наскевіч
Аляксандр Лукашэнка і Іван Наскевіч

13 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка прыняў сёння з дакладам старшыню Следчага камітэта Івана Наскевіча, перадае карэспандэнт БЕЛТА.

Кіраўнік дзяржавы пацікавіўся вынікамі работы Следчага камітэта ў гэтым годзе, расследаваннем найбольш рэзанансных крымінальных спраў. "Калі ёсць нейкія рэчы, на якія вы павінны звярнуць маю ўвагу, я гатовы выслухаць. Але самае галоўнае - шэраг грамадска значных крымінальных спраў, якія вы ведзяце, у тым ліку якія знаходзяцца ў мяне на кантролі. Калі гэтыя справы прайшлі праз суд ужо - вашы заўвагі, прэтэнзіі да судовай сістэмы. Гэта непасрэдна мяне павінна датычыцца, таму што Прэзідэнт адказвае і за судовую галіну ўлады", - падкрэсліў Аляксандр Лукашэнка.

Прэзідэнт анансаваў нараду з праваахоўным блокам краіны. "У бліжэйшы час мы з усёй праваахоўнай сістэмай (хутчэй за ўсё, на наступным тыдні) сустрэнемся і пагаворым па злабадзённых пытаннях", - сказаў ён. Падставай для нарады сталі вынікі расследавання шэрага крымінальных спраў. Кіраўнік дзяржавы, у прыватнасці, прывёў у прыклад справу адносна галоўнага інжынера МЗКЦ.

"Вы вялі следчыя дзеянні больш за чатыры гады і так нічога ў судзе не даказалі. Я не разумею, як можна затрымаць чалавека, пасадзіць яго ў следчы ізалятар (нават не ў турму, а ў следчы ізалятар - розніца зразумелая) і трымаць у чатырох сцянах чатыры гады? - адзначыў Аляксандр Лукашэнка. - Гэта нядобра. Мы да людзей павінны адносіцца па-чалавечы".

Як расказаў журналістам старшыня Следчага камітэта па выніках сустрэчы з Прэзідэнтам, на нарадзе з праваахоўным блокам плануецца разгледзець шэраг крымінальных спраў, пры расследаванні якіх закраналіся парвы і законныя інтарэсы грамадзян. Што датычыцца крымінальнай справы адносна галоўнага інжынера МЗКЦ, Іван Наскевіч адзначыў, што следства сваю версію яго вінаватасці выклала ў даведцы аб доказах, пракуратура пагадзілася з пазіцыяй следчых і накіравала справу ў суд. Ён у сваю чаргу апраўдаў абвінавачанага.

Іван Наскевіч
Іван Наскевіч'

"Гэта рабочая сітуацыя. Мы жывём у прававой дзяржаве, дзе суд незалежны ад іншых праваахоўных органаў. Следства і абвінавачанне палічыла, што віна даказана, суд палічыў, што доказаў недастаткова", - адзначыў Іван Наскевіч. Ён дадаў, што пракуратура апратэставала апраўдацельны прыгавор, у бліжэйшы час пачнецца апеляцыйны разгляд гэтай крымінальнай справы.-0-

Навіны рубрыкі Прэзідэнт
Фота   RTVS  Лукашэнка накіраваў спачуванне Прэзідэнту Славакіі ў сувязі з ахвярамі аўтамабільнай аварыі каля Нітры
Учора 18:14
Дзяржава будзе кампенсаваць экспарцёрам да 50 працэнтаў расходаў на замежныя выстаўкі і сертыфікацыю
Учора 17:40
"Беларусы не нахлебнікі" - Лукашэнка абмеркаваў з Засем і Лапо супрацоўніцтва з Расіяй на агульнай граніцы
Учора 12:34
Аляксандр Лукашэнка Ад геапалітыкі да асабістых гарантый бізнесу - Лукашэнка на бізнес-форуме ў Вене выступіў з яркай прамовай
13 Лістапад, 11:18
Лукашэнка расказаў аўстрыйскаму бізнесу пра галоўныя прынцыпы ў супрацоўніцтве з Беларуссю
13 Лістапад, 09:37
Лукашэнка ў Вене сустрэўся з Курцам
13 Лістапад, 09:06
Аляксандр Лукашэнка і Вольфганг Саботка Лукашэнка сустрэўся са старшынёй Нацыянальнага савета Аўстрыі
12 Лістапад, 18:33
Лукашэнка адказаў на пытанне аб магчымасці адмены ў Беларусі смяротнага пакарання
12 Лістапад, 17:01
Лукашэнка пра Беларусь: мы абсалютна адкрытая краіна
12 Лістапад, 15:38
Поўная версія