Поўная версія

Лукашэнка даручыў выпрацаваць план па пашырэнні выкарыстання электраэнергіі ў Беларусі

Прэзідэнт 16.11.2018 | 11:50

16 лістапада, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка патрабуе ад урада выпрацаваць дакладны план па пашырэнні напрамкаў выкарыстання электраэнергіі ў розных сферах. Аб гэтым ён заявіў сёння на нарадзе па пытанні ўдасканалення сістэмы кіравання беларускай энергетыкай, перадае карэспандэнт БЕЛТА.

"Урадам павінен быць распрацаваны дакладны і рэалістычны план пашырэння напрамкаў выкарыстання электраэнергіі ў прамысловасці, аграрнай сферы, транспарце, ІТ-сектары, ЖКГ, быце і іншых галінах", - сказаў кіраўнік дзяржавы.

Паводле яго слоў, гэта пытанне непарыўна звязана з далейшым развіццём беларускай энергетыкі. "Таму патрабую ад адказных асоб, не зацягваючы, пачаць яго вырашэнне. Магутнасцей для нарошчвання электраспажывання сёння ў нас хапае, а хутка будзе больш", - адзначыў Аляксандр Лукашэнка.

Ён звярнуў увагу ўрада на існуючы вельмі нізкі ўзровень спажывання электрычнай энергіі ў Беларусі. У сувязі з гэтым Прэзідэнт нагадаў аб маючым адбыцца ўвядзенні ў строй Беларускай АЭС, электраэнергія ад якой павінна быць запатрабавана. "Гэта галоўнае пытанне ва ўсім рэфармаванні або ўдасканаленні гэтага сектара", - падкрэсліў кіраўнік дзяржавы.

Аляксандр Лукашэнка запатрабаваў ад урада далажыць аб адпаведным плане. "Тым больш наперадзе эра чыстай энергетыкі. Вугаль, прыродны газ і нафта адыходзяць. Усе арыентуюцца, напрыклад, не на дызель і бензін, а на электрамабілі. Таму патрэбна не проста разуменне, а дакладны план дзеянняў, зыходзячы з балансу вытворчасці электраэнергіі і спажывання", - заявіў беларускі лідар.

"Гэта - галоўнае пытанне, - яшчэ раз падкрэсліў кіраўнік дзяржавы, - і ў першай палове будучага года заплануйце яго разгляд".

Прэзідэнт канстатаваў, што цяпер удзельнае спажыванне электраэнергіі ў Беларусі ў 2-3 разы ніжэйшае, чым у развітых краінах. "Ёсць куды імкнуцца, зразумела куды ісці, - сказаў ён. - І размова ідзе не аб эканоміі і беражлівым расходаванні рэсурсаў. Гэта сведчыць аб недастатковай энергаўзброенасці беларускай дзяржавы і вузкай сферы прымянення электраэнергіі. Перш за ўсё ў прамысловасці".

Аляксандр Лукашэнка адзначыў, што адпаведныя пытанні ў далейшым будуць абмяркоўвацца і на нарадзе па рэалізацыі інвестыцыйных праектаў. "Таксама цішыня ва ўрадзе. Усе хочуць займацца стратэгіяй. Дык вось яна і ёсць стратэгія - пачынаючы ад Светлагорска, Добруша і заканчваючы Бабруйскам (размова аб рэалізацыі ў гэтых гарадах буйных інвестыцыйных праектаў. - Заўвага БЕЛТА)", - сказаў кіраўнік дзяржавы.-0-

Навіны рубрыкі Прэзідэнт
Аляксандр Лукашэнка Інвестары агучылі патрабаванні па дражджавым заводзе ў Слуцку. Лукашэнка вырашыў асабіста разабрацца ў пытанні
11:58
Лукашэнка: Магілёўская вобласць гатова паспяхова вырашыць усе задачы аграпрамысловай галіны
09:07
Лукашэнка накіраваў спачуванне Прэзідэнту Славакіі ў сувязі з ахвярамі аўтамабільнай аварыі каля Нітры
Учора 18:14
Фота з архіва Дзяржава будзе кампенсаваць экспарцёрам да 50 працэнтаў расходаў на замежныя выстаўкі і сертыфікацыю
Учора 17:40
"Беларусы не нахлебнікі" - Лукашэнка абмеркаваў з Засем і Лапо супрацоўніцтва з Расіяй на агульнай граніцы
Учора 12:34
Ад геапалітыкі да асабістых гарантый бізнесу - Лукашэнка на бізнес-форуме ў Вене выступіў з яркай прамовай
13 Лістапад, 11:18
У час бізнес-форуму Лукашэнка расказаў аўстрыйскаму бізнесу пра галоўныя прынцыпы ў супрацоўніцтве з Беларуссю
13 Лістапад, 09:37
Лукашэнка ў Вене сустрэўся з Курцам
13 Лістапад, 09:06
Лукашэнка сустрэўся са старшынёй Нацыянальнага савета Аўстрыі
12 Лістапад, 18:33
Поўная версія