Поўная версія

Лукашэнка азнаёміцца з развіццём паўднёва-ўсходняга рэгіёна Магілёўскай вобласці

Прэзідэнт 14.08.2019 | 09:45
Фота з архіва
Фота з архіва

14 жніўня, Касцюковіцкі раён /Кар. БЕЛТА/. Прэзідэнт Беларусі Аляксандр Лукашэнка зробіць сёння рабочую паездку ў Магілёўскую вобласць. Кіраўнік дзяржавы наведае Касцюковіцкі раён, дзе азнаёміцца з развіццём паўднёва-ўсходняга рэгіёна вобласці, паведамляе БЕЛТА.

Плануецца, што спачатку Прэзідэнт наведае фарэлевую гаспадарку, дзе азнаёміцца з работай сучаснага прадпрыемства па вырошчванні рыб каштоўных парод. Кіраўніку дзяржавы таксама даложаць у цэлым аб развіцці рыбаводства ў Беларусі і Магілёўскай вобласці, сацыяльна-эканамічным развіцці ў рэгіёне.

Потым у Касцюковічах адбудзецца нарада па пытаннях сацыяльна-эканамічнага развіцця паўднёва-ўсходняга рэгіёна Магілёўскай вобласці. У прыватнасці, размова пойдзе аб выкананні палажэнняў адпаведнага ўказа ад 8 чэрвеня 2015 года нумар 235, а таксама прынятай раней праграмы комплекснага сацыяльна-эканамічнага развіцця гэтых тэрыторый, якія акрамя Касцюковіцкага ўключаюць у сябе Клімавіцкі, Краснапольскі, Крычаўскі, Слаўгарадскі, Чэрыкаўскі і Хоцімскі раёны.

На развіццё эканомікі і сацыяльнай сферы гэтага рэгіёна за 2015 год - першае паўгоддзе 2019 года накіравана больш за Br770 млн інвестыцый у асноўны капітал. За гэты ж перыяд у рэгіён прыцягнута прамых замежных інвестыцый на чыстай аснове на суму $30,7 млн. Акрамя таго, рэалізоўваліся розныя мерапрыемствы ў мэтах стварэння спрыяльных умоў для пражывання грамадзян і прыцягнення кваліфікаваных спецыялістаў, у галіне працаўладкавання, стварэння вытворчасцей і развіцця прамысловага патэнцыялу, а таксама ў сельскай гаспадарцы, гандлі, бытавым абслугоўванні, сацыяльнай сферы. На нарадзе будуць разгледжаны вынікі сумеснай работы ўрада і мясцовых органаў улады, прааналізаваны існуючыя праблемныя пытанні, для вырашэння якіх неабходны дадатковыя намаганні.

Што датычыцца рыбагаспадарчай дзейнасці, развіццё гэтага напрамку прадугледжана адной з падпраграм дзяржпраграмы развіцця аграрнага бізнесу на 2016-2020 гады. На адпаведны перыяд вызначаны аб'ём вытворчасці рыбных рэсурсаў у водных аб'ектах краіны, які склаў на 2018 год - 14,9 тыс. т, на 2019 год - 16,5 тыс. т, на 2020 год - 18,2 тыс. т. Гэтыя планы выконваюцца з перавышэннем. Так, у 2018 годзе атрымана 16,1 тыс. т, або 108 працэнтаў да задання, а ў 2019-м чаканая вытворчасць рыбы складзе 16,6 тыс. т, або 100,6 працэнта да задання.

У структуры вытворчасці сажалкавай рыбы 79,5 працэнта займае карп. Да 2025 года для зніжэння сабекошту вырошчвання дзякуючы зніжэнню выкарыстання канцэнтраваных кармоў плануецца нарасціць аб'ём расліннаедных відаў рыб (таўсталобіка і белага амура) да 28 працэнтаў у структуры вырошчваемай рыбы за кошт зніжэння долі карпа да 55 працэнтаў. Прыняты ў Беларусі напрамак на развіццё індустрыяльнага рыбаводства знайшоў адлюстраванне ў будаўніцтве новых для краіны рыбаводных гаспадарак па вырошчванні каштоўных відаў рыб з выкарыстаннем установак замкнёнага водазабеспячэння. Гэта ў асноўным фарэль, асятровыя і сом. У структуры вытворчасці пераважае фарэль - больш за 80 працэнтаў.

Акрамя таго, адным з новых відаў рыбнай прадукцыі ў Беларусі з'яўляецца вытворчасць чорнай ікры. Гэтым цяпер займаюцца два прадпрыемствы прыватнай формы ўласнасці.-0-

Навіны рубрыкі Прэзідэнт
Уладзімір Майсеенка вызвалены з пасады намесніка старшыні Дзяржпагранкамітэта
Учора 17:18
Лукашэнка нагадаў аб задачы па павышэнні зарплат нізкааплатных катэгорый работнікаў
Учора 12:29
Комплекс беларуска-расійскіх адносін стаў галоўным пытаннем на сустрэчы Лукашэнкі з Румасам
Учора 12:25
Аляксандр Лукашэнка і Мамука Бахтадзэ Беларусь прадоўжыць настойліва развіваць адносіны з Грузіяй - Лукашэнка
Учора 10:57
Лукашэнка арыентуе рэгіёны на большую самастойнасць у нарыхтоўцы кармоў
21 Жнівень, 16:12
Лукашэнка ў Іўеўскім раёне азнаёміўся з работай прыватнага вытворцы сельгастэхнікі
21 Жнівень, 15:52
Аляксандр Лукашэнка "Другі раз на тыдні трапляю ў рай" - чым Лукашэнку здзівіла Іўе і яго жыхары
21 Жнівень, 15:35
Лукашэнка даручыў аказаць садзейнічанне прыватнаму бізнесу ў развіцці дрэваапрацоўкі
21 Жнівень, 13:47
"Засмечваем глебу і тэрыторыю" - Лукашэнка нагадаў аб даручэннях па змяншэнні выкарыстання пластыку
21 Жнівень, 13:29
Поўная версія