Поўная версія

Лукашэнка азнаёміцца з работай вытворцаў касметыкі "Беліта" і "Вітэкс"

Прэзідэнт 27.09.2019 | 09:52
На вытворчасці
На вытворчасці

27 верасня, Мінск /Кар. БЕЛТА/. Прэзідэнт Беларусі Аляксандр Лукашэнка сёння ў Мінску наведае ЗАТ "Вітэкс", паведамляе БЕЛТА.

Кіраўніку дзяржавы даложаць аб вытворчай дзейнасці і перспектывах развіцця ЗАТ "Вітэкс" і СП "Беліта" ТАА. Прэзідэнт азнаёміцца з працэсам вытворчасці касметычнай прадукцыі, яе асартыментам.

ЗАТ "Вітэкс" і СП "Беліта" ТАА - першыя касметычныя прадпрыемствы ў Беларусі. На іх створаны поўны цыкл вытворчасці касметычнай прадукцыі - ад распрацоўкі рэцэптуры да рэалізацыі праз уласную тавараправодную сетку.

Разам з гандлёвымі дамамі і рэгіянальнымі прадстаўніцтвамі прадпрыемствы выступаюць на касметычным рынку як адна вялікая сетка. Цяпер прадукцыя пастаўляецца больш як у 30 краін блізкага і далёкага замежжа, сярод якіх Германія, Польшча, Вялікабрытанія, Грэцыя, Балгарыя, Славакія, Італія, Кіпр, Чэхія, Сербія, краіны Балтыі. У 2018 годзе асвоены новыя рынкі: Канада, Пакістан, Бахрэйн. У бягучым годзе з'явіліся новыя рэгіёны, дзе ўпершыню была прадстаўлена прадукцыя "Вітэкс": В'етнам, Палесціна, Афганістан. Вядуцца перагаворы з Турцыяй, Нігерыяй, Коста-Рыкай.

Экспарт складае 59 працэнтаў у агульным аб'ёме паставак. Гандлёвая сетка налічвае больш за 600 магазінаў, аддзелаў і секцый. Прадпрыемствы прапануюць спажыўцам больш як 2 тыс. відаў касметычнай прадукцыі.

У 2004 годзе ЗАТ "Вітэкс" стала ўласнікам стратнай гаспадаркі ва Уздзенскім раёне, і на яе базе быў створаны сельскагаспадарчы філіял прадпрыемства. На гэты час СГК ЗАТ "Вітэкс" з'яўляецца адным з лідараў сярод гаспадарак усёй Мінскай вобласці. Па розных паказчыках малочнай прадукцыйнасці гаспадарка неаднаразова прызнавалася лепшай у Беларусі.-0-

Навіны рубрыкі Прэзідэнт
Фота з архіва Лукашэнка: кантакты Беларусі і Латвіі садзейнічаюць умацаванню бяспекі і стабільнасці ў рэгіёне
Учора 18:49
Лукашэнка: Беларусь імкнецца да пашырэння дыялогу з Аманам на прынцыпах даверу і ўзаемаразумення
Учора 11:41
Лукашэнка мае намер наведаць Латвію ў першым-другім квартале 2020 года
17 Лістапад, 16:53
Лукашэнка аб намеры балаціравацца: я за гэта крэсла не трымаюся, але сваю кандыдатуру прапаную
17 Лістапад, 16:46
Лукашэнка: Беларусь заўсёды будзе заставацца ў сваіх межах, ні перад кім не поўзаючы на каленях
17 Лістапад, 16:33
Лукашэнка на выбарчым участку больш за гадзіну адказваў на пытанні журналістаў
17 Лістапад, 16:20
Лукашэнка: у мяне на стале ляжаць спісы дэпутатаў, якіх выберуць? Гэта смех
17 Лістапад, 16:04
Лукашэнка аб выніках у сельскай гаспадарцы: год быў не ідэальны, але добры
17 Лістапад, 15:19
Лукашэнка аб прызнанні выбараў: я наконт гэтага перажываць не прывык
17 Лістапад, 15:02
Поўная версія