Поўная версія

Лукашэнка арыентуе айчынны ВПК на падваенне фінансавых паказчыкаў

Прэзідэнт 12.11.2018 | 13:23
Аляксандр Лукашэнка і Раман Галоўчанка
Аляксандр Лукашэнка і Раман Галоўчанка

12 лістапада, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка адзначае дастаткова эфектыўную работу айчыннага ваенна-прамысловага комплексу, аднак паставіў задачу па падваенні ў бліжэйшым будучым адпаведных фінансавых паказчыкаў. Аб гэтым ён заявіў сёння, прымаючы з дакладам старшыню Дзяржаўнага ваенна-прамысловага камітэта Рамана Галоўчанку, перадае карэспандэнт БЕЛТА.

Прэзідэнт канстатаваў, што ў цэлым гэта галіна працуе нядрэнна. У тым ліку па паказчыках рэнтабельнасці, прыбытку, сярэдняй зарплаты сітуацыя лепшая, чым па шэрагу іншых напрамкаў. "Але гэта вельмі недастаткова. Гэта палова таго - у фінансавых адносінах - што павінна быць на канец будучага года. Таму будуйце планы на будучае з мэтай павелічэння нават не аб'ёмаў, а грашовых паступленняў роўна ў два разы", - паставіў задачу кіраўнік дзяржавы.

Аляксандр Лукашэнка канстатаваў, што свет змяніўся, сёння вельмі высокі попыт на разумную высокадакладную зброю і, асабліва, на сродкі барацьбы з гэтай зброяй. "Мы вырабляем абарончыя сістэмы. Гэта тое, што трэба многім дзяржавам. Мы наступаць ні на каго не збіраемся. Таму трэба развіваць гэтыя школы, цэнтры, вытворчасці для таго, каб сябе забяспечыць высокаэфектыўнай абарончай зброяй і прапанаваць іншым дзяржавам", - адзначыў беларускі лідар.

Кіраўнік дзяржавы акцэнтаваў увагу, што прадпрыемствы сферы ВПК павінны атрымліваць сваё развіццё незалежна ад формы ўласнасці, дзяржаўныя яны ці прыватныя: "Розніцы няма. Зразумела, з прычыны спецыфічнай прадукцыі павінен быць строгі кантроль і кіраванне гэтымі прадпрыемствамі з вашага боку".

Аляксандр Лукашэнка таксама пацікавіўся ў Рамана Галоўчанкі сітуацыяй у ведамстве і планамі ў адпаведнасці з пастаўленымі стратэгічнымі задачамі.

Як вынікае з інфармацыі на сайце Дзяржкамваенпрама, за 2017 год рэнтабельнасць продажаў у прамысловасці склала 23,4 працэнта. Тэмп росту ў вытворчасці прампрадукцыі склаў 128,4 працэнта, экспарту тавараў і паслуг - 110,6 працэнта. Дадатнае сальда знешняга гандлю склала $622,4 млн.

Што датычыцца фінансавых вынікаў, то выручка на аднаго сярэдняспісачнага работніка ў 2017 годзе дасягнула Br117,8 тыс., тэмп росту чыстага прыбытку - 123,8 працэнта.-0-

Навіны рубрыкі Прэзідэнт
Фота з архіва Ордэнам Маці ўзнагароджаны 85 жыхарак Мінскай вобласці
Учора 16:27
Інвестары агучылі патрабаванні па дражджавым заводзе ў Слуцку. Лукашэнка вырашыў асабіста разабрацца ў пытанні
Учора 11:58
Лукашэнка: Магілёўская вобласць гатова паспяхова вырашыць усе задачы аграпрамысловай галіны
Учора 09:07
Фота   RTVS  Лукашэнка накіраваў спачуванне Прэзідэнту Славакіі ў сувязі з ахвярамі аўтамабільнай аварыі каля Нітры
14 Лістапад, 18:14
Дзяржава будзе кампенсаваць экспарцёрам да 50 працэнтаў расходаў на замежныя выстаўкі і сертыфікацыю
14 Лістапад, 17:40
"Беларусы не нахлебнікі" - Лукашэнка абмеркаваў з Засем і Лапо супрацоўніцтва з Расіяй на агульнай граніцы
14 Лістапад, 12:34
Аляксандр Лукашэнка Ад геапалітыкі да асабістых гарантый бізнесу - Лукашэнка на бізнес-форуме ў Вене выступіў з яркай прамовай
13 Лістапад, 11:18
Лукашэнка расказаў аўстрыйскаму бізнесу пра галоўныя прынцыпы ў супрацоўніцтве з Беларуссю
13 Лістапад, 09:37
Лукашэнка ў Вене сустрэўся з Курцам
13 Лістапад, 09:06
Поўная версія