Поўная версія

Лукашэнка абмеркаваў з Гуцарыевым будаўніцтва Нежынскага ГАК і перспектывы рэалізацыі прадукцыі

Прэзідэнт 09.07.2019 | 14:01
У час сустрэчы
У час сустрэчы

9 ліпеня, Мінск /Кацярына Крышэнік - БЕЛТА/. Прэзідэнт Беларусі Аляксандр Лукашэнка абмеркаваў з прадпрымальнікам Міхаілам Гуцарыевым будаўніцтва Нежынскага горна-абагачальнага камбіната і перспектывы рэалізацыі прадукцыі, перадае карэспандэнт БЕЛТА.

"Самае галоўнае, я хацеў бы сёння пачуць ад вас аб тым, як ідзе будаўніцтва асноўнага нашага праекта - камбіната па здабычы калійных солей, угнаенняў, якія вы бачыце ўжо цяпер перспектывы па здабычы і рэалізацыі гэтай прадукцыі", - сказаў Прэзідэнт.

"Нам вельмі важна, каб мы склеілі адносіны "Славкалія" з Беларускай калійнай кампаніяй і на рынак вы выходзілі ўзгоднена. Пасля таго, як мы ўвядзём Нежынскі камбінат, і пасля таго, як мы ўвядзём на Прыпяці (мы адкрылі прадпрыемства ўжо), мы зоймем практычна першае месца па здабычы калійных угнаенняў у свеце. Гэта значыць, у нас будзе магчымасць дыктаваць умовы рэалізацыі. Хацелася б ужо цяпер пачынаць у гэтым напрамку працаваць, як некалі мы з вамі дамаўляліся. Мяне цікавіць гэты праект, як ён рэалізуецца", - адзначыў беларускі лідар.

Нежынскі горна-абагачальны камбінат на базе Старобінскага радовішча калійных солей будзе другім прадпрыемствам у Беларусі па здабычы калійнай руды і вытворчасці калійных угнаенняў. Яго магутнасць складзе да 2 млн т хларыду калію ў год. Інвестыцыйны праект прадугледжвае будаўніцтва горназдабыўнога комплексу, абагачальнай фабрыкі, газатурбіннай электрастанцыі для ўласных патрэб, чыгуначнай, аўтадарожнай, жыллёвай і іншай інфраструктуры. Яго рэалізуе ЗТАА "Славкалій", што ўваходзіць у групу "Сафмар" Міхаіла Гуцарыева. Будаўніцтва ГАК запушчана ў 2017 годзе.

Аляксандр Лукашэнка таксама падзякаваў Міхаілу Гуцарыеву за яго дабрачынную дзейнасць у Беларусі. "Дзякуй за храм. Гэта ўнікальны выпадак, калі мусульманін будуе праваслаўны храм для людзей", - сказаў кіраўнік дзяржавы. Ён выказаў словы ўдзячнасці і за падтрымку спорту, будаўніцтва школы.

Па просьбе журналістаў прадпрымальнік пракаменціраваў ход дабрачынных праектаў, якія ён рэалізуе ў Беларусі. У пасёлку Шаршуны пад Мінскам за кошт сродкаў Міхаіла Гуцарыева будуецца царква. Гэта далёка не першае культавае збудаванне, узведзенае мецэнатам. Ён пастаянна спансіруе будаўніцтва храмаў, незалежна ад іх рэлігійнай прыналежнасці. "Рэлігію прыдумалі людзі, а Бог адзіны, - растлумачыў прадпрымальнік. - Калі чалавек верыць у Бога, выконвае ўсе прынцыпы рэлігіі, то гэты чалавек імкнецца да лепшага. Таму я будую мячэці, цэрквы, сінагогі, у Бураціі фінансаваў будысцкі храм. Я да гэтага стаўлюся роўна і спакойна".

Акрамя таго, у рамках дабрачыннай дапамогі ў Мінску будуецца вялікая школа. На гэты праект, паводле слоў Міхаіла Гуцарыева, патрачана ўжо больш як $13 млн.-0-

Навіны рубрыкі Прэзідэнт
Лукашэнка накіраваў спачуванне ў сувязі са смерцю народнага артыста Беларусі Аўгусціна Мілаванава
19 Ліпень, 16:56
Зацверджана новая рэдакцыя Палажэння аб Дзяржінспекцыі аховы жывёльнага і расліннага свету
19 Ліпень, 11:12
Лукашэнка накіраваў спачуванне Імператару Японіі Нарухіта ў сувязі з ахвярамі пажару ў Кіёта
18 Ліпень, 19:51
Аляксандр Лукашэнка Лукашэнка на форуме ў Санкт-Пецярбургу гаварыў аб супрацоўніцтве, агульнай гісторыі, моладзі і інтэграцыі
18 Ліпень, 18:40
Лукашэнка заявіў аб прынцыповых дамоўленасцях з Пуціным па інтэграцыйнай тэматыцы
18 Ліпень, 16:16
Лукашэнка прапанаваў падумаць аб сумесных з Расіяй заяўках на правядзенне вялікіх спартыўных форумаў
18 Ліпень, 16:10
У час пасяджэння Лукашэнка: беларусы і расіяне прайшлі праз многія выпрабаванні і разам з гонарам іх вытрымалі
18 Ліпень, 16:09
Лукашэнка прапануе да 20-годдзя саюзнага дагавора зняць усе праблемныя пытанні ў адносінах Беларусі і Расіі
18 Ліпень, 14:41
Лукашэнка і Пуцін наведалі Валаам
17 Ліпень, 16:04
Поўная версія