Сцяг Чацвер, 25 ліпеня 2024
Усе навіны
Усе навіны
Прэзідэнт
19 чэрвеня 2024, 12:33

Імкнуцца трэба да лепшага". Лукашэнка арыентуе ФПБ аператыўна рэагаваць на пытанні працоўных

Фота з архіва
Фота з архіва
19 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка арыентуе ФПБ аператыўна рэагаваць на пытанні і патрэбы працоўных. Аб гэтым ён заявіў, прымаючы з дакладам старшыню Федэрацыі прафсаюзаў Беларусі Юрыя Сянько, перадае карэспандэнт БЕЛТА.

"Я не запрашаў вас і не сустракаўся з вамі ў гэты перыяд часу пасля выбрання (на пасаду старшыні ФПБ. - Заўвага БЕЛТА) не выпадкова. Я хацеў, каб вы ўвайшлі ў курс спраў і, перш чым мы маглі сустрэцца, маглі разабрацца ва ўсіх дэталях, нюансах і працэсах, якія адбываюцца ў нашых прафсаюзах. Не трэба нікому нагадваць, што гэта - велізарная "партыя", можна сказаць так. Гэта дзяржаўныя людзі, патрыятычныя людзі ў сваёй пераважнай большасці, - сказаў Аляксандр Лукашэнка. - Але як унутры прафсаюзнай арганізацыі, так і з боку насельніцтва ёсць нямала прэтэнзій да прафсаюзаў. То недзе там малаактыўныя, то забюракратызаваліся, то не аказалі дапамогу і падтрымку і іншае. Гэта зразумела - такая велізарная арганізацыя, - гэта будзе заўсёды. Але імкнуцца трэба да лепшага. Трэба рабіць так, каб гэтай бюракратыі і іншага было менш. Таму што гэта народная "партыя", народныя прафсаюзы".

Аляксандр Лукашэнка пацікавіўся абстаноўкай у прафсаюзнай сферы, якую Юрый Сянько меў магчымасць ацаніць свежым поглядам, якія далейшыя планы і дзеянні па нармалізацыі сітуацыі па асобных напрамках. "Якія ў вас ёсць да мяне пытанні? Магчыма, трэба недзе падключыцца, уцягнуць мяне ў нейкія працэсы для аказання дапамогі і падтрымкі прафсаюзнаму руху?" - пацікавіўся беларускі лідар.

Юрый Сянько далажыў, што нацыянальны прафесійны цэнтр сёння адбыўся, як аб'яднанне. У яго ўваходзяць 15 галіновых прафсаюзаў. "Адзіныя падыходы звязаны з тым, каб максімальна дайсці да кожнага рабочага, выкрышталізаваць нейкія праблемы. А выкрышталізаваць іх можна. Па той прычыне, што сёння ў нашай краіне створаны 24 тыс. пярвічных прафсаюзных арганізацый. Гэта вялікая армія", - сказаў ён.
На прадпрыемствах і ў арганізацыях заключана каля 18 тыс. калектыўных дагавораў, у якіх для работнікаў прадугледжаны многія перавагі і стымулы нават звыш таго, што патрабуе заканадаўства.

У інтэрв'ю журналістам Юрый Сянько адзначыў, што ў Беларусі склалася ў многім унікальная практыка, калі ўрад, прафсаюзы і наймальнікі збіраюцца за адным сталом пры наяўнасці пытанняў і вырашаюць іх. "І вырашаюць іх якасна, разумеючы, што гэтыя пытанні хвалююць людзей. Мы сёння аб'ядноўваем практычна 4 млн членаў прафсаюзаў", - сказаў старшыня ФПБ.

Яшчэ адзін напрамак работы ФПБ звязаны з аздараўленнем і санаторна-курортным лячэннем. Па гэтым пытанні Юрый Сянько таксама праінфармаваў Прэзідэнта. "Сёння ў нас у краіне 12 прафсаюзных санаторыяў, якія могуць адначасова прыняць 4,5 тыс. працоўных, 6 гасцініц, 6 турыстычных баз, 68 спартыўных школ", - пералічыў ён у размове з журналістамі.

Асноўныя задачы, якія сёння стаяць перад прафсаюзамі, - гэта прадаўжэнне работы з прафсаюзнымі ячэйкамі, працоўнымі калектывамі, своечасовае вывучэнне пытанняў і ўнясенне прапаноў па іх вырашэнні. "Будзем прадаўжаць працаваць як унутры краіны, так і на міжнародных пляцоўках. Тут таксама кіраўнік дзяржавы паставіў задачу прадаўжаць работу з Міжнароднай арганізацыяй працы на прадмет абароны нашых працоўных на міжнароднай арэне", - сказаў Юрый Сянько.-0-
Падпісвайцеся на нас у
Twitter
Топ-навіны
Свежыя навіны Беларусі