Поўная версія

"Гэта пад сілу толькі вам" - Лукашэнка аб кандыдатуры Мясніковіча на пасаду старшыні Калегіі ЕЭК

Прэзідэнт 29.11.2019 | 15:56
Фота з архіва
Фота з архіва

29 лістапада, Мінск /Кар. БЕЛТА/. Перспектывы старшынства Беларусі і прадстаўнікоў краіны ў інтэграцыйных аб'яднаннях на постсавецкай прасторы сталі галоўнай тэмай сённяшняй сустрэчы Прэзідэнта Беларусі Аляксандра Лукашэнкі са старшынёй Савета Рэспублікі Міхаілам Мясніковічам, перадае карэспандэнт БЕЛТА.

У лютым 2020 года старшынства ў Еўразійскім эканамічным саюзе пяройдзе да Беларусі. Адначасова краіна атрымае права назначыць на чатыры гады свайго старшыню Калегіі Еўразійскай эканамічнай камісіі. Прадстаўнік Беларусі, Станіслаў Зась, таксама назначаны генеральным сакратаром АДКБ з 1 студзеня 2020 года. Акрамя таго, рэспубліка ў будучым годзе будзе старшынстваваць у Вышэйшым дзяржсавеце Саюзнай дзяржавы і сустаршынстваваць у СНД.

"Размова ідзе аб тым, што наступныя гады для нас вельмі пачэсныя і ў той жа час адказныя. Мы фактычна ўзначалім увесь Савецкі Саюз, - сказаў Прэзідэнт. - Пры гэтым вы бачыце, якія інтэграцыйныя працэсы ідуць. Таму фактычна давядзецца цягнуць воз за ўсіх".

Кіраўнік дзяржавы адзначыў, што прапанова аб кандыдатуры Міхаіла Мясніковіча на пасаду старшыні Калегіі ЕЭК была дасканала прааналізавана і падрыхтавана. "Вядома, мы думалі над тым, каго ж рэкамендаваць. Праўда, і жадаючыя былі, - адзначыў ён. - Але я лічу, што гэта вам пад сілу, толькі вам. Таму што ўсе кандыдатуры, якія мне давялося разглядаць, яны слабейшыя, менш вопытныя, менш дыпламатычныя. У вас усе гэтыя якасці ёсць".

Аляксандр Лукашэнка таксама расказаў, што перад тым як канчаткова агучыць сваё рашэнне, праінфармаваў аб ім кіраўнікоў краін ЕАЭС. "Мне трэба было напэўна, сур'ёзна пракансультавацца і падрыхтаваць сваіх калег, - растлумачыў ён. - Вы ж разумееце, што наш кандыдат павінен чатыры гады выконваць гэтыя абавязкі. Кандыдатуру прапануе Прэзідэнт на наш эканамічны савет, дзе будуць сядзець кіраўнікі дзяржаў. І хацелася б, каб яны безагаворачна ўспрынялі гэту кандыдатуру. Непрымання няма. Я і ўчора размаўляў з шэрагам кіраўнікоў. Многія вас ведаюць. Не многія, а ўсе ведаюць. Такаеў (Прэзідэнт Казахстана. - Заўвага БЕЛТА) больш ведае: вы працавалі на аднолькавых пасадах. Мы з ім учора пагаварылі. Усе ўспрымаюць станоўча. Я лічу, з якога боку ні падыдзі, і ў асабістых адносінах, гэта нядрэнна будзе для вас - папрацаваць там і прынесці карысць не толькі Беларусі, але і ўсёй нашай эканамічнай супольнасці".-0-

Навіны рубрыкі Прэзідэнт
Беларусь набудзе будынак у Тбілісі для размяшчэння свайго пасольства
13 Снежань, 18:25
Стыпендыі спецфонду Прэзідэнта назначаны 187 студэнтам і курсантам
13 Снежань, 17:36
Лукашэнка прадоўжыў тэрмін службы шасці генерал-маёрам
13 Снежань, 17:28
У час сустрэчы Лукашэнка не выключае яшчэ некалькі раўндаў перагавораў з Расіяй па балючых пытаннях
13 Снежань, 15:31
Лукашэнка: я прыхільнік страхавой медыцыны, але для гэтага даходы людзей павінны быць вышэйшыя
13 Снежань, 14:47
"За такімі медыкамі будучыня" - Лукашэнка выступіў за павышэнне прэстыжу ўрача агульнай практыкі
13 Снежань, 14:32
Фота з архіва Прэзідэнт Беларусі лічыць дачасным уводзіць практыку ліцэнзавання або абавязковай акрэдытацыі ўрачоў
13 Снежань, 14:27
Лукашэнка пракаменціраваў адток медыкаў і растлумачыў, чаму СМІ мусіруюць гэта пытанне
13 Снежань, 14:14
Лукашэнка адказаў на пытанне пра дэфіцыт медыкаў у Беларусі і расказаў, як рыхтаваць спецыялістаў
13 Снежань, 14:05
Поўная версія