Поўная версія

Беларусь зацікаўлена ў вопыце Дубайскага МФЦ пры стварэнні ўласнага міжнароднага фінцэнтра

Прэзідэнт 18.04.2019 | 11:11
У час сустрэчы
У час сустрэчы

18 красавіка, Мінск /Уладзімір Мацвееў - БЕЛТА/. Беларусь зацікаўлена ў вопыце Дубайскага МФЦ пры стварэнні ўласнага міжнароднага фінцэнтра. Аб гэтым Прэзідэнт Беларусі Аляксандр Лукашэнка заявіў на сустрэчы з кіраўніцтвам Дубайскага міжнароднага фінансавага цэнтра, перадае карэспандэнт БЕЛТА.

На сустрэчы прысутнічалі кіраўнік Дубайскага міжнароднага фінансавага цэнтра Эса Абдулфатах Казім і выканаўчы дырэктар гэтага цэнтра Арыф Аміры.

"Дзякую вам за добрыя словы, пачынанні і тую дапамогу, якую вы аказваеце нам. Думаю, што вы ўжо знаёмы з нашымі марамі: стварыць нешта накшталт вашага цэнтра ў Беларусі. І я буду вам вельмі ўдзячны, калі вы прадоўжыце сваю дабрачынную дзейнасць у Беларусі ў плане падтрымкі гэтага праекта і кансультатыўнай дапамогі нам", - сказаў кіраўнік дзяржавы.

Аляксандр Лукашэнка адзначыў велізарны і неацэнны вопыт Дубайскага МФЦ у стварэнні такіх міжнародных фінансавых цэнтраў. "Ведаю, што ваш цэнтр праяўляе вялікую цікавасць у супрацоўніцтве ў галіне ІТ-тэхналогій, вы шмат удзяляеце ўвагі лічбавай эканоміцы. Мы таксама гэтым сур'ёзна займаемся. Думаю, калі б мы змаглі знайсці агульны інтарэс, то гэта спалучэнне было б толькі на карысць развіццю лічбавай эканомікі. Калі вы палічыце, што ў Беларусі ёсць вопыт высокіх тэхналогій, мы да вашых паслуг і гатовы працаваць разам", - падкрэсліў беларускі лідар.

У сваю чаргу кіраўнік Дубайскага МФЦ адзначыў, што і ўрад Дубая, і сам цэнтр абавязуюцца падтрымліваць праект у Беларусі. "З мінулага лета пасля атрымання першых дакументаў наконт гэтага мы прынялі рашэнне падтрымліваць супрацоўніцтва ў гэтай галіне. Не думаю, што гэта проста мара. Гэта нешта, што мы вельмі хутка рэалізуем. Мы прыехалі, каб падзяліцца вопытам, мы гатовы да гэтага, асабліва што датычыцца стварэння і развіцця фінансавага цэнтра. І мы поўнасцю гатовы ўносіць уклад у развіццё адносін паміж дзвюма дзяржавамі, асабліва ў ІТ-сектары", - заявіў Эса Абдулфатах Казім.

Міжнародныя фінансавыя цэнтры - гэта вялікія цэнтры з поўным комплексам фінансавых паслуг, сучаснымі разліковымі і плацежнымі сістэмамі, якія падтрымліваюць буйныя нацыянальныя эканомікі з развітымі і ліквіднымі фінансавымі рынкамі, дзе попыт і прапанаванне дыверсіфікаваныя, а заканадаўчыя і рэгулюючыя сістэмы здольны забяспечыць цэласнасць адносін паміж суб'ектамі рынку і наглядныя функцыі.-0-

Навіны рубрыкі Прэзідэнт
Аляксандр Лукашэнка Інвестары агучылі патрабаванні па дражджавым заводзе ў Слуцку. Лукашэнка вырашыў асабіста разабрацца ў пытанні
11:58
Лукашэнка: Магілёўская вобласць гатова паспяхова вырашыць усе задачы аграпрамысловай галіны
09:07
Лукашэнка накіраваў спачуванне Прэзідэнту Славакіі ў сувязі з ахвярамі аўтамабільнай аварыі каля Нітры
Учора 18:14
Фота з архіва Дзяржава будзе кампенсаваць экспарцёрам да 50 працэнтаў расходаў на замежныя выстаўкі і сертыфікацыю
Учора 17:40
"Беларусы не нахлебнікі" - Лукашэнка абмеркаваў з Засем і Лапо супрацоўніцтва з Расіяй на агульнай граніцы
Учора 12:34
Ад геапалітыкі да асабістых гарантый бізнесу - Лукашэнка на бізнес-форуме ў Вене выступіў з яркай прамовай
13 Лістапад, 11:18
У час бізнес-форуму Лукашэнка расказаў аўстрыйскаму бізнесу пра галоўныя прынцыпы ў супрацоўніцтве з Беларуссю
13 Лістапад, 09:37
Лукашэнка ў Вене сустрэўся з Курцам
13 Лістапад, 09:06
Лукашэнка сустрэўся са старшынёй Нацыянальнага савета Аўстрыі
12 Лістапад, 18:33
Поўная версія