Сцяг Субота, 20 красавіка 2024
Усе навіны
Усе навіны
Палітыка
01 сакавіка 2024, 17:28

ЦВК Беларусі аб'явіла канчатковыя вынікі выбараў дэпутатаў

1 сакавіка, Мінск /Кар. БЕЛТА/. ЦВК Беларусі аб'явіла канчатковыя вынікі выбараў дэпутатаў, перадае карэспандэнт БЕЛТА.

"25 лютага ў Рэспубліцы Беларусь праведзены адзіны дзень галасавання па выбарах дэпутатаў Палаты прадстаўнікоў Нацыянальнага сходу Рэспублікі Беларусь восьмага склікання і дэпутатаў мясцовых саветаў дэпутатаў дваццаць дзявятага склікання. Упершыню ў Беларусі праведзены выбары дэпутацкага корпуса ў такім фармаце на падставе абноўленай Канстытуцыі і Выбарчага кодэкса Рэспублікі Беларусь, - расказаў старшыня ЦВК Ігар Карпенка. - Выбарчая кампанія прайшла ў тэрміны, устаноўленыя заканадаўствам і каляндарным планам арганізацыйных мерапрыемстваў па падрыхтоўцы і правядзенні адзінага дня галасавання, зацверджаным Цэнтральнай выбарчай камісіяй".

Выбары і галасаванне забяспечвалі 6805 выбарчых камісій. У іх склад было ўключана 66 692 чалавекі. У краіне працавалі 45 505 нацыянальных і 294 замежныя (міжнародныя) наглядальнікі. Актыўна праявіла сябе на выбарах моладзь. З агульнай колькасці ўключаных у спісы ўпершыню галасуючых грамадзян прыйшлі на выбары амаль 77 працэнтаў.

У адзіны дзень галасавання выбрана 110 дэпутатаў Палаты прадстаўнікоў і 12 511 дэпутатаў мясцовых саветаў дэпутатаў усіх узроўняў.

Працэнт выбаршчыкаў, якія прынялі ўдзел у галасаванні па Рэспубліцы Беларусь, склаў 73,14 працэнта.

Па г.Мінску - 61,48 працэнта, па Брэсцкай вобласці - 76,20 працэнта, па Віцебскай вобласці - 75,63 працэнта, па Гомельскай вобласці - 75,85 працэнта, па Гродзенскай вобласці - 76,93 працэнта, па Мінскай вобласці - 74,20 працэнта, па Магілёўскай вобласці - 77,03 працэнта. Пры гэтым працэнт выбаршчыкаў, якія прынялі ўдзел у галасаванні па выбарах у абласныя саветы дэпутатаў, склаў 73,14 працэнта, раённыя - 78,2 працэнта, гарадскія (гарадоў абласнога падпарадкавання) - 71,42 працэнта, гарадскія (гарадоў раённага падпарадкавання) - 77,07 працэнта, пасялковыя - 72,74 працэнта, сельскія - 81,73 працэнта.-0-
Падпісвайцеся на нас у
Twitter
Топ-навіны
Свежыя навіны Беларусі