Поўная версія

Паляпшаць якасць работы мясцовага самакіравання ў Беларусі будуць з улікам міжнароднага вопыту

Палітыка 21.05.2019 | 11:22
Фота з архіва
Фота з архіва

21 мая, Мінск /Кар. БЕЛТА/. Паляпшаць якасць работы органаў мясцовага кіравання і самакіравання ў Беларусі будуць з улікам перадавога міжнароднага вопыту. Аб гэтым у інтэрв'ю газеце "СБ. Беларусь сегодня" заявіў старшыня Савета Рэспублікі Міхаіл Мясніковіч, паведамляе БЕЛТА.

Добрым інструментам для такой работы Міхаіл Мясніковіч назваў Савет па ўзаемадзеянні з органамі мясцовага самакіравання пры Савеце Рэспублікі. "Тут акумулююцца ўсе прапановы і ініцыятывы. Саветам падрыхтавана ўжо дарожная карта па ўдасканаленні заканадаўства, рэгулюючага пытанні мясцовага кіравання і самакіравання. Гэта комплекс канкрэтных мерапрыемстваў, важным элементам якіх з'яўляецца міжнароднае супрацоўніцтва", - праінфармаваў спікер.

Савет наладзіў добрыя кантакты з Кангрэсам мясцовых і рэгіянальных улад Савета Еўропы. Кіраўнік верхняй палаты парламента нагадаў аб нядаўнім візіце ў Беларусь старшыні кангрэса Андэрса Кнапэ, сустрэчу з якім правёў і кіраўнік дзяржавы. "Такія сувязі - вельмі карысны вопыт, які дасць магчымасць пераняць лепшае ў еўрапейскіх партнёраў і ў той жа час падзяліцца нечым сваім", - адзначыў Міхаіл Мясніковіч. Так, у Беларусі выбудавана зладжаная вертыкаль выканаўчай улады. Пры гэтым яе задача ў аптымальным размеркаванні рэсурсаў для атрымання максімальнага эканамічнага эфекту і задавальнення сацыяльных патрэб людзей. "Гэта мадэль поўнасцю сябе апраўдала. Цяпер мы павінны ўзважана ацаніць перспектывы магчымых змяненняў на базе ўласнага вопыту з улікам міжнароднай практыкі", - дадаў спікер.

Прэзідэнт даручыў Савету Рэспублікі як палаце тэрытарыяльнага прадстаўніцтва сумесна з зацікаўленымі органамі дэталёва вывучыць пытанне паэтапнай дэцэнтралізацыі, перадачы пэўных паўнамоцтваў на месцы. Трэба будзе падрыхтаваць магчымыя змяненні і дапаўненні ў закон аб мясцовым кіраванні і самакіраванні. Палажэнні дзеючага, у тым ліку артыкул аб асноўных прынцыпах мясцовага кіравання і самакіравання, захоўваюць актуальнасць, але разам з тым маюць патрэбу ў дадатковым практычным напаўненні. У бліжэйшы час у Савеце Рэспублікі сумесна з зацікаўленымі органамі пачнецца распрацоўка Канцэпцыі ўдасканалення сістэмы мясцовага самакіравання, якая будзе прадугледжваць прыняцце неабходных актаў у развіццё дзеючага заканадаўства ў гэтай сферы.-0-

Навіны рубрыкі Палітыка
Валід аль-Муалем. Фота ТАСС Віцэ-прэм'ер Сірыі 20-24 ліпеня наведае Беларусь з афіцыйным візітам
Учора 19:09
Больш справы, менш слоў - чаму важна аператыўна вырашыць праблемы ў адносінах Беларусі і Расіі
Учора 17:55
Кіраўнікі консульскіх службаў МЗС краін СНД збяруцца 19 ліпеня ў Душанбэ
Учора 09:00
Андрэй Дапкюнас. Фота з архіва Беларусь будзе настойліва пашыраць ініцыятыву "Хельсінкі-2" - Дапкюнас
18 Ліпень, 19:22
Расія і Беларусь будуюць адносіны з улікам інтарэсаў адзін аднаго - Пуцін
18 Ліпень, 17:36
Лукашэнка і Пуцін выпрацавалі новыя ініцыятывы па паглыбленні інтэграцыі паміж Беларуссю і Расіяй
18 Ліпень, 17:23
Антоніу Гутэрыш. Фота Сіньхуа - БЕЛТА Генсакратар ААН высока ацэньвае намаганні Беларусі па ўмацаванні бяспекі ў свеце і рэгіёне
18 Ліпень, 12:16
Мацвіенка: рэалізацыю саюзнага дагавора важна напаўняць актуальнымі праектамі
17 Ліпень, 13:32
У ЕАЭС плануецца стварыць орган для каардынацыі курсавой палітыкі
17 Ліпень, 12:36
Поўная версія