Поўная версія

Нацыянальную асамблею па МУР плануецца правесці ў Беларусі ў студзені 2019 года

Палітыка 15.11.2018 | 12:19

15 лістапада, Мінск /Кар. БЕЛТА/. У Беларусі плануецца правесці нацыянальны форум па Мэтах устойлівага развіцця з шырокім удзелам і новымі формамі падачы інфармацыі. Аб гэтым заявіла сёння нацыянальны каардынатар па дасягненні МУР Мар'яна Шчоткіна на адкрыцці семінара "Павышэнне інфармаванасці СМІ аб Парадку дня ў галіне ўстойлівага развіцця на перыяд да 2030 года як сродак пашырэння Мэт устойлівага развіцця" ў Мінску, перадае карэспандэнт БЕЛТА.

"У студзені мы хочам правесці нацыянальную асамблею або форум па абмеркаванні Мэт устойлівага развіцця. І запросім прадстаўнікоў грамадзянскай супольнасці, органаў дзяржаўнай улады, усіх зацікаўленых. Але гэта мерапрыемства трэба зрабіць такім, каб тэма была зразумелай і даступнай, цікавай для кожнага", - сказала Мар'яна Шчоткіна.

Яна падкрэсліла, што інфармаванасць грамадства па тэме дасягнення МУР залежыць ад прафесіяналізму СМІ: "Тэма ўстойлівага развіцця датычыцца кожнага. Вас, журналістаў, слухаюць, вы - паслы МУР".

Навацыі ў сферы інфармавання, пашырэнне медыйнай прасторы за кошт анлайну дае магчымасць мяняць падачу інфармацыі, рабіць складаныя тэмы цікавымі, адзначыла пастаянны каардынатар ААН У Рэспубліцы Беларусь Іаанна Казана-Вішнявецкі. "Медыя, СМІ ўплываюць на стэрэатыпы, змяняюць паводзіны людзей. Дастаткова паглядзець на змест тэлеэфіру. А значыць, трэба адказна ставіцца да кантэнту", - сказала яна.

Семінар праводзіцца ў рамках праекта "Падтрымка дзейнасці Нацыянальнага каардынатара па дасягненні Мэт устойлівага развіцця і ўмацаванне ролі Парламента ў дасягненні Мэт устойлівага развіцця", які фінансуецца ПРААН/ЮНІСЕФ/ЮНФПА. Нацыянальным выканаўчым агенцтвам праекта з'яўляецца Міністэрства замежных спраў сумесна з нацыянальным каардынатарам па дасягненні Мэт устойлівага развіцця.

У 2015 годзе дзяржавы - члены ААН прынялі парадак дня ў галіне ўстойлівага развіцця да 2030 года, які ўключае ў сябе спіс з 17 Мэт устойлівага развіцця (МУР). Яны накіраваны на ліквідацыю беднасці і голаду, барацьбу з няроўнасцю і несправядлівасцю, вырашэнне праблем, звязаных з кліматычнымі змяненнямі. Парадак дня-2030 - гэта комплексная стратэгія павышэння якасці жыцця людзей, развіцця і спажывання без урону для будучых пакаленняў. Усе 17 мэт адаптуюцца і для Беларусі. Над гэтым працуюць нацыянальны каардынатар па дасягненні МУР, Савет па ўстойлівым развіцці (куды ўваходзяць прадстаўнікі ўсіх дзяржорганаў), партнёрская і іншыя групы, грамадзянская супольнасць і міжнародныя арганізацыі. Усе іх прапановы будуць адлюстраваны ў Нацыянальнай стратэгіі ўстойлівага развіцця на перыяд да 2035 года. Праграмныя дакументы, заканадаўчыя акты таксама будуць апірацца на мэты Парадку дня-2030.-0-

Навіны рубрыкі Палітыка
Фота з архіва Прадстаўнікі ЦВК Расіі стануць наглядальнікамі за парламенцкімі выбарамі ў Беларусі
Учора 19:13
Беларусь зацікаўлена ў вывучэнні шведскага вопыту па дасягненні МУР - Шчоткіна
Учора 16:56
Паслы Беларусі і Аўстраліі абмеркавалі шляхі актывізацыі супрацоўніцтва
Учора 16:34
Фота з архіва Беларусь выступае за наладжванне агульнанацыянальнага дыялогу для пераадолення супярэчнасцей у Балівіі - МЗС
Учора 16:03
Кансультацыі паміж МЗС краін СНД па барацьбе з тэрарызмам пройдуць у Ашхабадзе
Учора 15:20
Саюзныя парламентарыі будуць назіраць за выбарамі ў Палату прадстаўнікоў
Учора 12:36
Фота з архіва Пагадненні на 250 млн еўра плануецца падпісаць на аўстрыйска-беларускім бізнес-форуме ў Вене
Учора 10:00
Візіт Лукашэнкі ў Аўстрыю дасць магчымасць закласці больш сур'ёзную базу для двухбаковых адносін - эксперт
Учора 09:21
Візіт Лукашэнкі ў ААЭ праходзіў у атмасферы адкрытасці і дружбы - пасол
Учора 09:00
Поўная версія