ДЗЯРЖОРГАНЫДЗЯРЖОРГАНЫ
Флаг Серада, 1 снежня 2021
Мінск Суцэльная воблачнасць -5°C
Усе навіны
Усе навіны
Палітыка
26 кастрычніка 2021, 19:00

Наглядальнікі ад Парламенцкага сходу назвалі выбары прэзідэнта Узбекістана адкрытымі і канкурэнтнымі

Фота з архіва
Фота з архіва

26 кастрычніка, Масква /Эдуард Півавар - БЕЛТА/. Дэлегацыя наглядальнікаў ад Парламенцкага сходу Саюза Беларусі і Расіі назвала выбары прэзідэнта Узбекістана, якія прайшлі 24 кастрычніка, адпаведнымі дэмакратычным прынцыпам, паведамілі БЕЛТА ў прэс-службе сходу.

"Дэлегацыя Парламенцкага сходу прыйшла да высновы, што выбары прэзідэнта Рэспублікі Узбекістан, якія адбыліся 24 кастрычніка 2021 года, праведзены ў адпаведнасці з дзеючым выбарчым заканадаўствам Рэспублікі Узбекістан, адпавядалі прынцыпам правядзення дэмакратычных выбараў, былі адкрытымі і канкурэнтнымі", - заявілі ў прэс-службе.

Прадстаўнікі Парламенцкага сходу прымалі ўдзел у міжнародным назіранні за прэзідэнцкімі выбарамі ва Узбекістане ў складзе місіі наглядальнікаў ад Садружнасці Незалежных Дзяржаў. Дэлегацыю ўзначаліў старшыня Камісіі па пытаннях знешняй палітыкі Парламенцкага сходу, старшыня Пастаяннай камісіі па міжнародных справах і нацыянальнай бяспецы Савета Рэспублікі Нацыянальнага сходу Беларусі Сяргей Рачкоў. У яе склад таксама ўвайшоў член Камісіі па сацыяльнай і маладзёжнай палітыцы, навуцы, культуры і гуманітарных пытаннях Парламенцкага сходу, член Савета Федэрацыі Федэральнага сходу РФ Уладзімір Круглы.

Назіранне за ходам галасавання вялося ў Ташкенце і Самаркандзе. Наглядальнікі ад Парламенцкага сходу прысутнічалі на адкрыцці ўчасткаў, іх закрыцці і пры падліку галасоў, увогуле наведалі каля 20 выбарчых участкаў. Дэпутаты азнаёміліся з работай участковых выбарчых камісій і арганізацыяй працэсу галасавання. Дзейнасць у ходзе назірання будавалася ў поўнай адпаведнасці з дакументамі, прынятымі ў рамках СНД, і заканадаўствам Узбекістана.

"Наглядальнікі ад Парламенцкага сходу высока ацанілі сучасныя інфармацыйна-камунікацыйныя тэхналогіі, якія выкарыстоўваліся ў час выбараў, а таксама меры, прызначаныя гарантаваць бяспеку ўсіх удзельнікаў выбарчага працэсу ў сувязі з існуючай эпідэміялагічнай абстаноўкай, - канстатавалі ў прэс-службе. - Акрамя таго, адзначаны меры, прынятыя арганізатарамі выбараў, па забеспячэнні выбарчых правоў грамадзян з абмежаванымі фізічнымі магчымасцямі".

У час візіту саюзныя парламентарыі правялі сустрэчы са старшынёй камітэта па пытаннях міжнародных адносін, знешнеэканамічных сувязей, замежных інвестыцый і турызму Сената Олій Мажліса Узбекістана Раўшанбекам Алімавым і намеснікам старшыні Цэнтральнай выбарчай камісіі Узбекістана Бахромам Кучкаровым. Таксама прайшла сустрэча па абмене вопытам барацьбы з COVID-19 з міністрам аховы здароўя Узбекістана Абдухакімам Хаджыбаевым.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі