Поўная версія

Макей назваў супрацоўніцтва Беларусі з ЮНЕСКА плённым

Палітыка 23.05.2019 | 16:22
Уладзімір Макей
Уладзімір Макей

23 мая, Мінск /Аліна Грышкевіч - БЕЛТА/. Міністр замежных спраў Беларусі Уладзімір Макей назваў плённым супрацоўніцтва Беларусі з ЮНЕСКА з моманту ўступлення нашай краіны ў арганізацыю. Аб гэтым ён заявіў сёння на пашыраным пасяджэнні Нацыянальнай камісіі па справах ЮНЕСКА, прысвечаным 65-годдзю ўдзелу Беларусі ў арганізацыі, перадае карэспандэнт БЕЛТА.

"Мы з задавальненнем адзначаем 65 гадоў плённага супрацоўніцтва ў імя высакародных мэт і канстатуем, што з моманту ўступлення ў ЮНЕСКА наша краіна застаецца адданай ідэалам арганізацыі", - сказаў Уладзімір Макей, які з'яўляецца старшынёй Нацыянальнай камісіі па справах ЮНЕСКА.

Кіраўнік МЗС павіншаваў прысутных з юбілейнай датай, з нагоды якой праводзіцца цяперашняе пасяджэнне, і выказаў удзячнасць прадстаўнікам сакратарыята ЮНЕСКА, Інстытута ЮНЕСКА па інфармацыйных тэхналогіях у адукацыі, а таксама Камісіі Расіі па справах ЮНЕСКА, пасольства Украіны ў Беларусі за ўдзел у гэтай сустрэчы. "Сёння асобае пасяджэнне Нацыянальнай камісіі, у ім удзельнічаюць не толькі цяперашнія яе члены, але і тыя людзі, чыя энергія, ініцыятыва, адказнае і творчае стаўленне да справы ў розныя гады гісторыі беларускай дыпламатыі былі важкім фактарам паспяховага і рэзультатыўнага развіцця супрацоўніцтва Беларусі і ЮНЕСКА", - адзначыў Уладзімір Макей.

На яго думку, гэта пасяджэнне - добрая магчымасць для таго, каб, з аднаго боку, падвесці вынікі супрацоўніцтва Беларусі з ЮНЕСКА, з іншага - абмеркаваць перспектыўныя напрамкі ўзаемадзеяння.

Міністр звярнуў увагу, што ў 2017 годзе Беларусь пяты раз была выбрана ў кіруючы орган ЮНЕСКА - Выканаўчы савет. Рэкордная колькасць галасоў у падтрымку беларускай кандыдатуры - гэта не толькі сведчанне аўтарытэту краіны на міжнароднай арэне, але яшчэ і знак высокай ацэнкі заслуг нашай дзяржавы ў галіне захавання і развіцця нацыянальнага патэнцыялу ў сферах адукацыі, культуры, навукі і інфармацыі.

"Мы падтрымліваем ініцыятывы ЮНЕСКА, накіраваныя на развіццё супрацоўніцтва паміж нацыянальнымі камісіямі па справах ЮНЕСКА, і ўпэўнены, што такі падыход дае магчымасць развіваць і паглыбляць дружалюбныя адносіны паміж краінамі", - заявіў Уладзімір Макей. Ён падкрэсліў, што ў сваёй дзейнасці Нацыянальная камісія Беларусі па справах ЮНЕСКА ўдзяляе значную ўвагу ўмацаванню сувязей з нацыянальнымі камісіямі па справах ЮНЕСКА іншых краін. Асабліва дынамічна развіваюцца кантакты і сумесныя праекты з нацыянальнымі камісіямі Расіі, Польшчы, Літвы і іншых краін.-0-

Навіны рубрыкі Палітыка
Валід аль-Муалем. Фота ТАСС Віцэ-прэм'ер Сірыі 20-24 ліпеня наведае Беларусь з афіцыйным візітам
Учора 19:09
Больш справы, менш слоў - чаму важна аператыўна вырашыць праблемы ў адносінах Беларусі і Расіі
Учора 17:55
Кіраўнікі консульскіх службаў МЗС краін СНД збяруцца 19 ліпеня ў Душанбэ
Учора 09:00
Андрэй Дапкюнас. Фота з архіва Беларусь будзе настойліва пашыраць ініцыятыву "Хельсінкі-2" - Дапкюнас
18 Ліпень, 19:22
Расія і Беларусь будуюць адносіны з улікам інтарэсаў адзін аднаго - Пуцін
18 Ліпень, 17:36
Лукашэнка і Пуцін выпрацавалі новыя ініцыятывы па паглыбленні інтэграцыі паміж Беларуссю і Расіяй
18 Ліпень, 17:23
Антоніу Гутэрыш. Фота Сіньхуа - БЕЛТА Генсакратар ААН высока ацэньвае намаганні Беларусі па ўмацаванні бяспекі ў свеце і рэгіёне
18 Ліпень, 12:16
Мацвіенка: рэалізацыю саюзнага дагавора важна напаўняць актуальнымі праектамі
17 Ліпень, 13:32
У ЕАЭС плануецца стварыць орган для каардынацыі курсавой палітыкі
17 Ліпень, 12:36
Поўная версія