Поўная версія

Дэпутаты будуць улічваць пры падрыхтоўцы законапраектаў Канцэпцыю інфармацыйнай бяспекі

Палітыка 28.03.2019 | 13:12
На пасяджэнні Савета Палаты прадстаўнікоў
На пасяджэнні Савета Палаты прадстаўнікоў

28 сакавіка, Мінск /Кар. БЕЛТА/. Дэпутатам неабходна ўлічваць пры падрыхтоўцы законапраектаў палажэнні Канцэпцыі інфармацыйнай бяспекі. Аб гэтым сёння на пасяджэнні Савета Палаты прадстаўнікоў заявіў яе старшыня Уладзімір Андрэйчанка, перадае карэспандэнт БЕЛТА.

Уладзімір Андрэйчанка
Уладзімір Андрэйчанка'

У Палаце прадстаўнікоў рыхтуюцца да разгляду законапраекты, якія патрабуюць абавязковага ўліку многіх палажэнняў канцэпцыі, звярнуў увагу Уладзімір Андрэйчанка. У якасці прыкладу ён прывёў законапраекты аб дзяржаўнай інавацыйнай палітыцы і інавацыйнай дзейнасці, аб паштовай сувязі, аб персанальных даных і некаторыя іншыя.

У час пасяджэння
У час пасяджэння'

"Зразумела, што гэта патрабаванне распаўсюджваецца абсалютна на ўсіх удзельнікаў заканадаўчага працэсу. Таму пастаянным камісіям трэба выбудоўваць сваю работу ў адпаведнасці з канцэпцыяй", - падкрэсліў спікер.

Усяго да вясенняй сесіі ў Палаце прадстаўнікоў цалкам падрыхтавалі 37 пытанняў. Многія з законапраектаў, якія плануецца разгледзець у Авальнай зале, выклікаюць павышаную цікавасць. Размова ідзе, напрыклад, аб новай рэдакцыі Жыллёвага кодэкса, папраўках у Кодэкс аб шлюбе і сям'і, карэкціроўцы законаў аб абароне правоў спажыўцоў жыллёва-камунальных паслуг, аб ахове працы і цэлым блоку праектаў у сферы аховы здароўя.

"Большасць змяненняў прадыктавана практыкай прымянення законаў, гэта значыць амаль за кожнай навацыяй стаіць канкрэтны чалавечы лёс або няпростая жыццёвая сітуацыя. І вельмі важна, каб па ўсіх гэтых пытаннях былі прыняты эфектыўныя рашэнні", - адзначыў спікер. Ён папрасіў дэпутатаў улічваць і тое, што патрабаванні ў сферы заканатворчасці павышаюцца, асабліва ў плане прагназавання наступстваў рашэнняў, якія прымаюцца.

Акрамя таго, Уладзімір Андрэйчанка заклікаў падтрымліваць пастаянны дыялог з выбаршчыкамі па ўсіх рэзанансных тэмах. "Мы бачым, якую прынцыповую пазіцыю займае ў гэтым пытанні Прэзідэнт. Таму тыя 20 мерапрыемстваў, якія пастаянныя камісіі плануюць у бліжэйшы час прысвяціць актуальным пытанням па законапраектах, павінны быць здабыткам не толькі вузкага кола спецыялістаў. Асабліва, калі размова ідзе аб абароне канстытуцыйных правоў і законных інтарэсаў грамадзян", - акцэнтаваў увагу спікер.

Два тыдні таму парламент упершыню апрабаваў новы фармат свайго ўзаемадзеяння з Канстытуцыйным судом. Яго пасланне Прэзідэнту і палатам Нацыянальнага сходу шырока абмяркоўвалася ў Авальнай зале з удзелам экспертаў. Уладзімір Андрэйчанка лічыць, што гэта крок у правільным напрамку і трэба прадумаць, як удасканаліць гэту практыку.-0-

Фота Генадзя Жынкова

Навіны рубрыкі Палітыка
Валід аль-Муалем. Фота ТАСС Віцэ-прэм'ер Сірыі 20-24 ліпеня наведае Беларусь з афіцыйным візітам
19 Ліпень, 19:09
Больш справы, менш слоў - чаму важна аператыўна вырашыць праблемы ў адносінах Беларусі і Расіі
19 Ліпень, 17:55
Кіраўнікі консульскіх службаў МЗС краін СНД збяруцца 19 ліпеня ў Душанбэ
19 Ліпень, 09:00
Андрэй Дапкюнас. Фота з архіва Беларусь будзе настойліва пашыраць ініцыятыву "Хельсінкі-2" - Дапкюнас
18 Ліпень, 19:22
Расія і Беларусь будуюць адносіны з улікам інтарэсаў адзін аднаго - Пуцін
18 Ліпень, 17:36
Лукашэнка і Пуцін выпрацавалі новыя ініцыятывы па паглыбленні інтэграцыі паміж Беларуссю і Расіяй
18 Ліпень, 17:23
Антоніу Гутэрыш. Фота Сіньхуа - БЕЛТА Генсакратар ААН высока ацэньвае намаганні Беларусі па ўмацаванні бяспекі ў свеце і рэгіёне
18 Ліпень, 12:16
Мацвіенка: рэалізацыю саюзнага дагавора важна напаўняць актуальнымі праектамі
17 Ліпень, 13:32
У ЕАЭС плануецца стварыць орган для каардынацыі курсавой палітыкі
17 Ліпень, 12:36
Поўная версія