Поўная версія

Беларусь зацікаўлена ў хутчэйшым вырашэнні візавага пытання з ЕС і пашырэнні супрацоўніцтва - Румас

Палітыка 09.10.2019 | 16:51
Сяргей Румас
Сяргей Румас

9 кастрычніка, Мінск /Кар. БЕЛТА/. Беларусь зацікаўлена ў хутчэйшым вырашэнні візавага пытання і пашырэнні ўзаемавыгаднага супрацоўніцтва з Еўрапейскім саюзам, заявіў прэм'ер-міністр Беларусі Сяргей Румас на сустрэчы з кіраўніком прадстаўніцтва ЕС у Беларусі Дзіркам Шубелем, перадае карэспандэнт БЕЛТА.

Сяргей Румас выказаў задавальненне тым, як развіваецца дыялог з ЕС. За апошнія гады створаны добры зачын, але яшчэ трэба шмат зрабіць, каб адносіны выйшлі на новы ўзровень, які адпавядае іх патэнцыялу.

"Мы не імкнёмся да членства ў ЕС, але зацікаўлены ў выбудоўванні супрацоўніцтва па шэрагу напрамкаў. Нам неабходна ўстараніць бар'еры, якія засталіся, і пераходзіць да развіцця гандлёва-эканамічнага, інвестыцыйнага ўзаемадзеяння, пашыраць галіновае супрацоўніцтва, кантакты паміж прадстаўнікамі бізнесу", - сказаў прэм'ер-міністр.

Ён звярнуў увагу на неабходнасць удасканалення існуючай дагаворна-прававой базы. У прыватнасці, паміж бакамі няма базавага пагаднення аб узаемадзеянні.

Што датычыцца пагаднення аб спрашчэнні візавага рэжыму, то Сяргей Румас нагадаў, што Беларусь завяршыла ўсе ўнутраныя працэдуры, якія папярэднічаюць падпісанню дакумента. "Разлічваем, што ЕС таксама ў бліжэйшы час завершыць гэтыя працэдуры", - дадаў ён.

Беларусь зацікаўлена і ў наладжванні канструктыўнага ўзаемадзеяння з членамі Еўрапейскай камісіі новага склікання, якая павінна быць сфарміравана да 1 лістапада 2019 года. Прадстаўніцтва ЕС магло б гэтаму пасадзейнічаць. "У канцы 2018 - пачатку 2019 года мы мелі вельмі добры тэмп па кантактах з еўракамісарамі і разлічваем, што новы склад Еўрапейскай камісіі таксама будзе ўдзяляць Беларусі вялікую ўвагу", - адзначыў Сяргей Румас.

У сваю чаргу Дзірк Шубель расказаў, што па папярэдняй рабоце знаёмы з Беларуссю, удзельнічаў у перагаворах па падрыхтоўцы пагаднення аб прыярытэтах партнёрства. "Спадзяюся, што мы зможам вырашыць пытанні, якія яшчэ не зняты, і выйсці на падпісанне дакумента, каб рухацца наперад па новым пагадненні", - адзначыў ён.-0-

Навіны рубрыкі Палітыка
У палітычных партыях знаходзяцца 65,5 працэнта зарэгістраваных кандыдатаў у дэпутаты
18 Кастрычнік, 18:09
Парламенцкая дэлегацыя Славакіі наведае Беларусь 20-22 кастрычніка
18 Кастрычнік, 18:08
Турчын і Акімаў знялі рознагалоссі па праектах некаторых дарожных карт па паглыбленні інтэграцыі
18 Кастрычнік, 16:51
Фота з архіва У Беларусі зарэгістравана 558 кандыдатаў у дэпутаты
18 Кастрычнік, 12:16
Камісія Парламенцкага сходу абмяркуе ў Мінску праект бюджэту СД на 2020 год
17 Кастрычнік, 17:01
У СНД занепакоены ўзмацненнем актыўнасці НАТА ля граніц Садружнасці
17 Кастрычнік, 15:50
Сяргей Лаўроў і Уладзімір Макей. Фота з архіва Макей і Лаўроў абмеркавалі па тэлефоне актуальныя пытанні беларуска-расійскіх адносін
17 Кастрычнік, 13:19
Больш за 2,3 тыс. нацыянальных наглядальнікаў ужо акрэдытавана на парламенцкіх выбарах у Беларусі
17 Кастрычнік, 09:35
Рэгістрацыя кандыдатаў у дэпутаты завяршаецца ў Беларусі
17 Кастрычнік, 09:16
Поўная версія