Поўная версія

Беларусь і Вялікабрытанія маюць вялікі патэнцыял для развіцця супрацоўніцтва - Румас

Палітыка 14.08.2019 | 17:10
Сяргей Румас
Сяргей Румас

14 жніўня, Мінск /Кар. БЕЛТА/. Адносіны паміж Беларуссю і Вялікабрытаніяй маюць вялікі патэнцыял для развіцця, заявіў прэм'ер-міністр Сяргей Румас сёння на сустрэчы з Надзвычайным і Паўнамоцным Паслом Злучанага Каралеўства Вялікабрытаніі і Паўночнай Ірландыі Фіёнай Гіб у сувязі з завяршэннем яе дыпламатычнай місіі ў Беларусі, перадае карэспандэнт БЕЛТА.

Паводле слоў Сяргея Румаса, сённяшняя сустрэча - добрая магчымасць, каб ацаніць вынікі супрацоўніцтва за апошнія некалькі гадоў. З 2016 года дыялог прыкметна актывізаваўся, і ў гэтым, на думку прэм'ер-міністра, вялікая асабістая заслуга пасла.

Таксама дзякуючы падтрымцы пасольства на высокім узроўні прайшоў візіт урадавай дэлегацыі ў Вялікабрытанію. "Адбыліся плённыя сустрэчы з членамі брытанскага ўрада, і я яшчэ раз пераканаўся, што нашы адносіны маюць вельмі вялікі патэнцыял", - сказаў Сяргей Румас.

Акрамя таго, бакам удалося дабіцца істотнага прагрэсу ў развіцці дагаворна-прававой базы. Сярод падпісаных дакументаў значацца мемарандум аб увядзенні гандлёвага дыялогу, пагадненне аб прадухіленні двайнога падаткаабкладання, што аблягчае работу бізнесу ў абедзвюх краінах, міжнародны дагавор аб аўтамабільных перавозках, мемарандум па пытаннях гандлёвага супрацоўніцтва.

"За гэтыя 3,5 года вы вельмі высока паднялі планку, і я думаю, што, з аднаго боку, вашаму пераемніку будзе лёгка прадаўжаць пачатую справу, з другога - цяжка падтрымліваць той узровень супрацоўніцтва, які вы ўстанавілі", - адзначыў Сяргей Румас.

Ён пажадаў Фіёне Гіб далейшых поспехаў у кар'еры і не забываць Беларусь. "Мы заўсёды вам тут рады", - падкрэсліў прэм'ер-міністр.

Пасол падзякавала за цёплыя словы і адзначыла, што ў яе застануцца прыемныя ўспаміны пра час, праведзены ў Беларусі. Значнымі поспехамі ў развіцці двухбаковых адносін яна назвала арганізацыю візітаў высокапастаўленых прадстаўнікоў МЗС, парламента, членаў каралеўскай сям'і. "Такія візіты важны для ўстанаўлення больш трывалых адносін з Беларуссю, павышаюць цікавасць да краіны", - сказала Фіёна Гіб. Яна дадала, што бачыць сур'ёзныя змены ў адносінах да Беларусі з боку Лондана.-0-

Навіны рубрыкі Палітыка
Уладзімір Андрэйчанка і Мамука Бахтадзэ Беларусь зацікаўлена ў нарошчванні супрацоўніцтва з Грузіяй па ўсіх напрамках - Андрэйчанка
Учора 13:58
Макей аб запрашэнні на выбары замежных наглядальнікаў: гэта сведчыць аб адкрытасці Беларусі
Учора 11:46
Пастаянныя прадстаўнікі СНД сфарміруюць 28 жніўня праект парадку дня пасяджэння Савета кіраўнікоў урадаў
Учора 11:34
Мамука Бахтадзэ. Фота RFE/RL Прэм'ер-міністр Грузіі наведае з афіцыйным візітам Беларусь
22 Жнівень, 18:51
Макей і Рапота абмеркавалі ўзаемадзеянне ў Саюзнай дзяржаве
22 Жнівень, 17:48
Беларусь спадзяецца на хутчэйшую нармалізацыю абстаноўкі ў Ганконгу - МЗС
22 Жнівень, 16:07
Рышард Тарлецкі і Баляслаў Пірштук Беларусь і Польшча разлічваюць падпісаць пагадненне аб міжпарламенцкім супрацоўніцтве ў 2020 годзе
22 Жнівень, 11:39
Перамір'е на ўсходзе Украіны, якое пачалося 21 ліпеня, самае дзейснае з пачатку канфлікту - Сайдзік
22 Жнівень, 10:50
Супрацоўніцтва Беларусі і ЮНВТО абмеркавалі ў Мадрыдзе
21 Жнівень, 14:02
Поўная версія