Поўная версія

Беларусь і Куба маюць намер вызначыць новыя вектары эканамічнага ўзаемадзеяння - пасол

Палітыка 21.10.2019 | 17:47
Фота з архіва
Фота з архіва

21 кастрычніка, Мінск /Аліна Грышкевіч - БЕЛТА/. Беларусь і Куба маюць намер вызначыць новыя вектары эканамічнага ўзаемадзеяння, паведаміў карэспандэнту БЕЛТА Надзвычайны і Паўнамоцны Пасол Кубы ў Беларусі Хуан Вальдэс Фігероа напярэдадні візіту ў Мінск кубінскага лідара.

Прэзідэнт Кубы Мігель Марыа Дыяс-Канель Бермудэс 22-24 кастрычніка ўпершыню наведае Беларусь з афіцыйным візітам. Паводле слоў дыпламата, візіт дасць магчымасць прааналізаваць стан двухбаковага супрацоўніцтва і вызначыць новыя вектары ўзаемадзеяння, у тым ліку эканамічнага.

Пасол адзначыў, што паміж Кубай і Беларуссю яшчэ з часоў Савецкага Саюза склаліся добрыя адносіны ў розных сферах. "Гістарычнай падзеяй для абедзвюх краін было наведванне Фідэлем Кастра Мінска ў ліпені 1972 года. Гэта была знакавая падзея, якая ўвайшла ў гісторыю беларуска-кубінскага супрацоўніцтва", - нагадаў Хуан Вальдэс Фігероа. Паводле яго слоў, многія беларусы ўнеслі свой уклад у эканамічнае развіццё Кубы. Тысячы кубінцаў вучыліся ў беларускіх ВНУ. "Гэтыя старонкі гісторыі ў аснове сённяшняй дружбы паміж Кубай і суверэннай Беларуссю", - падкрэсліў пасол.

Ён звярнуў увагу на ўстанаўленне міжпарламенцкіх кантактаў, работу ў парламентах груп дружбы. "Ёсць агульнасць пазіцый па міжнародных пытаннях. Абедзве краіны з'яўляюцца членамі Руху недалучэння. Куба актыўна падтрымлівае Беларусь ва ўступленні ў Сусветную гандлёвую арганізацыю", - адзначыў кіраўнік кубінскай дыпламатычнай місіі.

Што датычыцца эканамічнага супрацоўніцтва дзвюх краін, Куба па-ранейшаму зацікаўлена ў таварах, якія яна традыцыйна ўвозіла з Беларусі больш за паўстагоддзе: трактары, грузавікі, аўтобусы, матацыклы, сельскагаспадарчае абсталяванне і інвентар, запчасткі і дэталі, угнаенні, малочная і мясная прадукцыя, бытавая тэхніка. Цяпер да гэтага дабаўляюцца новыя высокатэхналагічныя прадукты, паколькі Беларусь развівае значны патэнцыял у галіне сувязі, інфарматыкі, біяхіміі. У сваю чаргу Куба экспартавала прадукты, якія добра прымаліся ў Беларусі на працягу дзесяцігоддзяў, у прыватнасці цукар-сырэц, цытрусавыя, кава, ром, цыгары, сельскагаспадарчая прадукцыя, расказаў дыпламат. У апошняе дзесяцігоддзе Куба стала пастаўляць лякарствы, біятэхналагічныя прадукты. Пасол дадаў, што паміж дзвюма краінамі дзейнічае пагадненне аб абмене таварамі.

"Куба імкнецца ўмацоўваць супрацоўніцтва з беларускімі міністэрствамі і ведамствамі, ВНУ, акадэміяй навук, гандлёва-прамысловай палатай. У апошнія гады адбыўся абмен паміж дэлегацыямі міністэрстваў замежных спраў, сельскай гаспадаркі, па лініі навукі і тэхнікі, пракуратуры, - канстатаваў дыпламат. - Мы спадзяёмся, што гэтыя абмены будуць рэзультатыўнымі". Кубінскі бок таксама мае намер развіваць кантакты з Беларуссю ў галіне адукацыі і культуры.-0-

Навіны рубрыкі Палітыка
Фота МЗС Беларусь і ААЭ абмяркоўваюць магчымасць узаемнага прызнання вадзіцельскіх правоў
Учора 19:55
Андрэйчанка: у абноўленай мадэлі СД павінна быць выразная нацэленасць на вырашэнне практычных задач
Учора 14:01
Зась абмеркаваў з калегамі з СНД актуальныя пытанні міжнароднай і рэгіянальнай бяспекі
Учора 12:22
Алег Гайдукевіч. Фота з архіва Парламентарыям трэба будзе больш актыўна пашыраць інтарэсы Беларусі на міжнароднай арэне - Гайдукевіч
Учора 09:04
Рапота: для беларуска-расійскай інтэграцыі 2019 год стаў самым інтэнсіўным
20 Лістапад, 17:01
Сямашка: узгоднена 21 інтэграцыйная дарожная карта
20 Лістапад, 14:23
Фота МЗС Развіццё ўзаемадзеяння Беларусі з агенцтвамі ААН абмеркавалі на сустрэчы Рыбакоў і Гутэрыш
20 Лістапад, 10:15
Румас: вынікі інтэграцыі ў СД відавочныя і бясспрэчныя
20 Лістапад, 09:00
Румас і Мядзведзеў шэсць гадзін абмяркоўваюць інтэграцыйныя дарожныя карты
19 Лістапад, 19:23
Поўная версія