Поўная версія

Беларусь і Францыя ўзгаднілі меры па актывізацыі палітычнага і эканамічнага дыялогу

Палітыка 23.05.2019 | 12:16
Жан-Батыст Лемуан і Алег Краўчанка. Фота пасольства Беларусі ў Парыжы
Жан-Батыст Лемуан і Алег Краўчанка. Фота пасольства Беларусі ў Парыжы

23 мая, Мінск /Аліна Грышкевіч - БЕЛТА/. Беларусь і Францыя абмеркавалі актывізацыю эканамічнага і палітычнага дыялогу, паведамілі БЕЛТА ў пасольстве Беларусі ў Парыжы.

Гэтыя пытанні сярод іншых разглядаліся ў час візіту ў Францыю 20-22 мая намесніка міністра замежных спраў Беларусі Алега Краўчанкі. Так, адбыліся сустрэчы намесніка міністра ў МЗС Францыі. У гутарцы з дзяржаўным сакратаром Жанам-Батыстам Лемуанам абмяркоўвалася эканамічнае супрацоўніцтва. Асаблівая ўвага была ўдзелена выкананню пратакола трэцяга пасяджэння сумеснай эканамічнай камісіі, сустаршынямі якой яны з'яўляюцца (пасяджэнне адбылося 26 кастрычніка ў Мінску). Акрамя таго, разгледжаны ход рэалізацыі ў Беларусі інвестпраектаў з удзелам французскіх кампаній і перспектывы пашырэння кантактаў паміж прадстаўнікамі дзелавых колаў дзвюх краін. Алег Краўчанка і Жан-Батыст Лемуан абмяняліся думкамі па пытаннях міжнароднай палітыкі і рэгіянальнай бяспекі.

На перагаворах з намеснікам генеральнага дырэктара па палітычных пытаннях і бяспецы МЗС Эрыкам Данонам у цэнтры ўвагі былі перспектывы развіцця шматбаковага супрацоўніцтва, узаемадзеяння Беларусі з Еўрапейскім саюзам, у тым ліку па лініі "Усходняга партнёрства", пытанні міжнароднай і рэгіянальнай бяспекі.

Двухбаковае супрацоўніцтва падрабязна абмеркавана на беларуска-французскіх палітычных кансультацыях. На іх Алег Краўчанка з намеснікам дырэктара дэпартамента кантынентальнай Еўропы МЗС Францыі Нікаля дэ Лакостам таксама ўзгаднілі крокі, накіраваныя на актывізацыю дыялогу ў галіне палітыкі, культуры і адукацыі.

Алег Краўчанка правёў сумесную сустрэчу з дэлегацыямі міністэрстваў замежных спраў Германіі і Францыі, на якой разгледжаны перспектывы развіцця трохбаковага ўзаемадзеяння, дыялогу па лініі Беларусь-ЕС, бягучая сітуацыя ў рэгіёне, а таксама найбольш актуальныя пытанні міжнароднага парадку дня. Французскую дэлегацыю ўзначальваў Нікаля дэ Лакост, германскую - упаўнаважаны МЗС ФРГ па краінах Усходняй Еўропы, Каўказа і Цэнтральнай Азіі Міхаэль Зіберт.

Міхаэль Зіберт, Нікаля дэ Лакост, Алег Краўчанка
Міхаэль Зіберт, Нікаля дэ Лакост, Алег Краўчанка'

У час сустрэчы Алега Краўчанкі з дырэктарам дэпартамента міжнароднага супрацоўніцтва Міністэрства ўзброеных сіл Францыі Аліс Гітон закрануты тэмы беларуска-французскага супрацоўніцтва ў галіне міжнароднай бяспекі.

Акрамя таго, у Французскім інстытуце міжнародных адносін (ІФРІ) было арганізавана аналітычнае мерапрыемства па Беларусі. ІФРІ з'яўляецца адным з вядучых у свеце незалежных цэнтраў даследаванняў і грамадскіх дэбатаў у галіне актуальных міжнародных пытанняў і глабальнага кіравання. На семінары Алег Краўчанка падрабязна прадставіў інфармацыю пра Беларусь, прыярытэты яе знешняй і ўнутранай палітыкі, у тым ліку ў кантэксце геапалітычных працэсаў, а таксама ролі нашай краіны ва ўмацаванні рэгіянальнай бяспекі.

У мерапрыемстве прынялі ўдзел прадстаўнікі МЗС, Мінабароны і парламента Францыі, аналітычных, экспертных і дзелавых колаў, вядучых французскіх СМІ.

Сітуацыя ў Еўрапейскім рэгіёне і міжнародныя адносіны Беларусі з вядучымі партнёрамі абмеркаваны на сустрэчы намесніка міністра замежных спраў з дырэктарам ІФРІ Тама Гамарам.-0-

Фота пасольства Беларусі ў Парыжы

Навіны рубрыкі Палітыка
Валід аль-Муалем. Фота ТАСС Віцэ-прэм'ер Сірыі 20-24 ліпеня наведае Беларусь з афіцыйным візітам
19 Ліпень, 19:09
Больш справы, менш слоў - чаму важна аператыўна вырашыць праблемы ў адносінах Беларусі і Расіі
19 Ліпень, 17:55
Кіраўнікі консульскіх службаў МЗС краін СНД збяруцца 19 ліпеня ў Душанбэ
19 Ліпень, 09:00
Андрэй Дапкюнас. Фота з архіва Беларусь будзе настойліва пашыраць ініцыятыву "Хельсінкі-2" - Дапкюнас
18 Ліпень, 19:22
Расія і Беларусь будуюць адносіны з улікам інтарэсаў адзін аднаго - Пуцін
18 Ліпень, 17:36
Лукашэнка і Пуцін выпрацавалі новыя ініцыятывы па паглыбленні інтэграцыі паміж Беларуссю і Расіяй
18 Ліпень, 17:23
Антоніу Гутэрыш. Фота Сіньхуа - БЕЛТА Генсакратар ААН высока ацэньвае намаганні Беларусі па ўмацаванні бяспекі ў свеце і рэгіёне
18 Ліпень, 12:16
Мацвіенка: рэалізацыю саюзнага дагавора важна напаўняць актуальнымі праектамі
17 Ліпень, 13:32
У ЕАЭС плануецца стварыць орган для каардынацыі курсавой палітыкі
17 Ліпень, 12:36
Поўная версія