Сцяг Серада, 12 чэрвеня 2024
Усе навіны
Усе навіны
Палітыка
29 мая 2024, 11:13

Алейнік адзначыў узаемную зацікаўленасць Беларусі і Венгрыі ва ўмацаванні супрацоўніцтва

Петэр Сіярта і Сяргей Алейнік
Петэр Сіярта і Сяргей Алейнік
29 мая, Мінск /Кар. БЕЛТА/. Міністр замежных спраў Беларусі Сяргей Алейнік на перагаворах з міністрам замежных спраў і знешняга гандлю Венгрыі Петэрам Сіярта ў Мінску адзначыў узаемную зацікаўленасць дзвюх краін ва ўмацаванні супрацоўніцтва, перадае карэспандэнт БЕЛТА.
Як расказаў Сяргей Алейнік, у парадку дня перагавораў пытанні двухбаковага супрацоўніцтва і развіццё сітуацыі ў рэгіёне.

Гэта сустрэча, падкрэсліў міністр, "пацвярджае ўзаемны інтарэс Беларусі і Венгрыі да ўмацавання супрацоўніцтва". Такі факт, паводле яго слоў, набывае асаблівую значнасць на фоне падзей, якія адбываюцца ў рэгіёне.
Кіраўнік беларускага знешнепалітычнага ведамства канстатаваў, што адносіны паміж краінамі развіваюцца паступальна і па ўсіх напрамках. Так, пашыраюцца міждзяржаўнае ўзаемадзеянне, кантакты на ўзроўні бізнес-колаў і паміж людзьмі.-0-

Фота Віталя Піваварчыка, Надзеі Касцецкай
Падпісвайцеся на нас у
Twitter
Топ-навіны
Свежыя навіны Беларусі